બિઝનેસ / નવી એક્સાઇઝ ડ્યુટી પછી પેટ્રોલ-ડીઝલનો ભાવ વધ્યો કે ઘટ્યો? જાણો લેટેસ્ટ રેટ

Petrol-Diesel Prices : પેટ્રોલ-ડીઝલના ભાવને લઈ મોટી અપડેટ સામે આવી છે. વાસ્તવમાં સરકારે પેટ્રોલ અને ડીઝલ પર એક્સાઇઝ ડ્યુટીમાં પ્રતિ લિટર ૨ રૂપિયાનો વધારો કર્યો છે પરંતુ તેનાથી પેટ્રોલ અને ડીઝલના ભાવમાં વધારો થશે નહીં. હાલમાં સરકાર પેટ્રોલ પર પ્રતિ લિટર ૧૯.૯૦ રૂપિયા અને ડીઝલ પર પ્રતિ લિટર ૧૫.૮૦ રૂપિયા એક્સાઇઝ ડ્યુટી વસૂલતી હતી પરંતુ આ વધારા પછી પેટ્રોલ પર પ્રતિ લિટર ૨૧.૯૦ રૂપિયા અને ડીઝલ પર પ્રતિ લિટર ૧૭.૮૦ રૂપિયા ડ્યુટી વસૂલવામાં આવશે.

નોંધનિય છે કે, આ ખર્ચ પેટ્રોલિયમ કંપનીઓ દ્વારા ઉઠાવવામાં આવશે. આજે એટલે કે ૮ એપ્રિલે પેટ્રોલ અને ડીઝલના ભાવમાં કોઈ ફેરફાર થયો નથી. સરકારી તેલ કંપનીઓએ વેબસાઇટ પર આજના ભાવ અપડેટ કર્યા છે. આવો જાણીએ કે તમારા શહેરમાં પેટ્રોલ-ડીઝલના શું ભાવ છે ?

જાણો તમારા શહેરના ભાવ ?

• મુંબઈમાં પ્રતિ લિટર પેટ્રોલનો ભાવ ૧૦૩.૯૪ રૂપિયા અને ડીઝલનો ભાવ ૮૯.૯૭ રૂપિયા છે.
• દિલ્હીમાં એક લિટર પેટ્રોલનો ભાવ ૯૪.૭૨ રૂપિયા અને ડીઝલનો ભાવ ૮૭.૬૨ રૂપિયા પ્રતિ લિટર છે.
• ચેન્નઈમાં પ્રતિ લિટર પેટ્રોલનો ભાવ ૧૦૦.૮૫ રૂપિયા અને ડીઝલનો ભાવ ૯૨.૪૪ રૂપિયા પ્રતિ લિટર છે.
• કોલકાતામાં પેટ્રોલનો ભાવ પ્રતિ લિટર રૂ. ૧૦૩.૯૪ અને ડીઝલનો ભાવ રૂ. ૯૧.૭૬ છે.
• બેંગલુરુમાં પ્રતિ લિટર પેટ્રોલનો ભાવ ૧૦૨.૮૬ રૂપિયા અને ડીઝલનો ભાવ ૮૮.૯૪ રૂપિયા પ્રતિ લિટર છે.
• પટનામાં પેટ્રોલ ૧૦૫.૫૮ રૂપિયા અને ડીઝલ ૯૨.૪૨ રૂપિયા પ્રતિ લિટર થઈ ગયું છે.
• લખનૌમાં પેટ્રોલનો ભાવ પ્રતિ લિટર ૯૪.૬૫ રૂપિયા અને ડીઝલનો ભાવ ૮૭.૭૬ રૂપિયા પ્રતિ લિટર છે.
• નોઇડામાં પેટ્રોલનો ભાવ પ્રતિ લિટર ૯૪.૯૮ રૂપિયા અને ડીઝલનો ભાવ પ્રતિ લિટર ૮૮.૧૩ રૂપિયા છે.
• ગુરુગ્રામમાં એક લિટર પેટ્રોલનો ભાવ ૯૫.૧૯ રૂપિયા અને ડીઝલનો ભાવ ૮૮.૦૫ રૂપિયા પ્રતિ લિટર છે.
• ચંદીગઢમાં એક લિટર પેટ્રોલનો ભાવ ૯૪.૨૪ રૂપિયા અને ડીઝલનો ભાવ ૮૨.૪૦ રૂપિયા પ્રતિ લિટર છે.
• પટણામાં એક લિટર પેટ્રોલનો ભાવ ૧૦૫.૧૮ રૂપિયા અને ડીઝલનો ભાવ ૯૨.૦૪ રૂપિયા પ્રતિ લિટર છે.
• ગાઝિયાબાદમાં પેટ્રોલ ૯૪.૩૯ રૂપિયા અને ડીઝલ ૮૭.૪૫ રૂપિયા પ્રતિ લિટર થઈ ગયું છે.

વધુ વાંચો : VIDEO : નજીક આવ્યો, લોક તોડ્યો, અને આંખના પલકારામાં જ કરી બાઈકની ઉઠાંતરી

ઘરે બેઠા દર તપાસો

સરકારી તેલ કંપની દરરોજ સવારે 6 વાગ્યે દરેક શહેરના પેટ્રોલ અને ડીઝલના દર અપડેટ કરે છે. તમે ઘરે બેઠા તમારા શહેરમાં પેટ્રોલ અને ડીઝલના ભાવ સરળતાથી જાણી શકો છો. જો તમે ઇન્ડિયન ઓઇલના ગ્રાહક છો, તો પેટ્રોલ અને ડીઝલના નવીનતમ ભાવ જાણવા માટે, તમે શહેર કોડ સાથે RSP લખીને 9224992249 પર SMS મોકલી શકો છો. જો તમે BPCLના ગ્રાહક છો, તો તમે RSP લખીને 9223112222 પર SMS મોકલી શકો છો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ