શેર બજાર / પહેલા જ દિવસે રોકેટ બની ગયો આ શેર, ભાવમાં સીધો 25 ટકાનો વધારો

IPO News: એડિસોફ્ટ ટેક્નોલોજીસના શેર ગુરુવારે 205 રૂપિયા પર લિસ્ટ થયા, જે 19% નો વધારો દર્શાવે છે. શાનદાર લિસ્ટિંગ પછી કંપનીના શેર વધુ 5 ટકા વધીને રૂપિયા 215.25 પર પહોંચ્યા. એડિસોફ્ટ ટેક્નોલોજીસનો આઇપીઓ ભાવ રૂપિયા 172 હતો.

શેરબજારમાં એડિસોફ્ટ ટેક્નોલોજીસનું બમ્પર લિસ્ટિંગ થયું છે. ગુરુવારે બજારમાં મંદીનો અનુભવ થયો પરંતુ આ મંદી વચ્ચે પણ એડિસોફ્ટ ટેક્નોલોજીસના શેર રોકેટની જેમ ઉછળ્યા. ગુરુવારે એડિસોફ્ટ ટેક્નોલોજીસના શેર 205 પર લિસ્ટ થયા, જે તેમના આઇપીઓ ભાવ કરતાં 19 ટકા વધુ છે. એડિસોફ્ટ ટેક્નોલોજીસનો આઇપીઓ ભાવ રૂપિયા 172 હતો. કંપનીનો આઇપીઓ 77 ગણાથી વધુ સબસ્ક્રાઇબ થયો હતો.

મજબૂત લિસ્ટિંગ પછી શેર વધુ ઉછળ્યા

મજબૂત લિસ્ટિંગ પછી એડિસોફ્ટ ટેક્નોલોજીસના શેર વધુ ઉછળ્યા. એનએસઇ પર કંપનીના શેર વધુ 5% વધીને 215.25 પર પહોંચ્યા. તેના આઇપીઓ ભાવની તુલનામાં એડિસોફ્ટ ટેક્નોલોજીસના શેર પહેલા દિવસે 25% ઉછળ્યા. કંપનીના શેર તેના ગ્રે માર્કેટ પ્રીમિયમ (GMP) થી તદ્દન વિપરીત બજારમાં પ્રવેશ્યા. ગ્રે માર્કેટમાં એડિસોફ્ટ ટેક્નોલોજીસના શેર શૂન્ય ટકા પ્રીમિયમ પર ટ્રેડ થઈ રહ્યા હતા. જોકે કંપનીના શેરે પહેલા દિવસે જબરજસ્ત રીતે સારું પ્રદર્શન કર્યું.

આઇપીઓ 77 ગણું ઓવરસબ્સ્ક્રાઇબ થયું

એડિસોફ્ટ ટેકનોલોજીનો આઇપીઓ ટોટલ 77.45 ગણો સબસ્ક્રાઇબ થયો. કંપનીનો આઇપીઓ આમ રોકાણકારની કેટેગરીમાં 47.27 ગણું સબસ્ક્રિપ્શન મળ્યું. જ્યારે નોન-ઇંસ્ટીટ્યૂશન ઇનવેસ્ટર્સ શ્રેણીને 120.16 ગણું સબસ્ક્રિપ્શન મળ્યું. જ્યારે ક્લોલીફાઇડ ઇંસ્ટીટ્યૂશન બાયર્સ (QIB)ના કોટા 98.23 ગણો સબસ્ક્રાઇબ થયો. એડિસોફ્ટ ટેક્નોલોજીસના આઇપીઓનું કુલ કદ રૂપિયા 74 કરોડ હતું. એડિસોફ્ટ ટેક્નોલોજીસના આઇપીઓમાં સામાન્ય રોકાણકારો ફક્ત બે લોટ પર બોલી લગાવી શકતા હતા. દરેક લોટમાં 1,600 શેર હતા. એડિસોફ્ટ ટેક્નોલોજીસનો આઇપીઓ 23 એપ્રિલ 2026 ના બોલી લગાવવા માટે ખુલ્યો અને 28 એપ્રિલ સુધી ખુલ્લો રહ્યો.

કંપની શું કરે છે

એડિસોફ્ટ ટેકનોલોજી લિમિટેડએ એક ઇંડસ્ટ્રિયલ ડિજિટલ ઓટોમેશન સોલ્યુશન્સનો ઉપલબ્ધ કરાવતી કંપની છે. કંપની ડિજાઇનિંગ, ડિવેલપિંગ, પ્રેક્યોરમંટ, અસેંબલિંગ, ટેસ્ટિંગ, ઇંસ્ટોલેશન, ઓઓમેટેડ એંસેબલી લાઇંસથી જોડાયેલ કમિશનિંગ અને એન્જિનિયરિંગ સેવાઓ પૂરી પાડે છે. તે મટિરિયલ હેન્ડલિંગ મશીનો, રોબોટિક વર્ક સેલ અને સ્પેશિયલ-પર્પઝ મશીનરીનું પણ ઉત્પાદન કરે છે.

આ પણ વાંચોઃ ચૂંટણી બાદ પેટ્રોલ-ડીઝલના નવા રેટ જાહેર, સરકારે કીધેલું કે નહીં વધે ભાવ!

એડિસોફ્ટ ટેક્નોલોજીસ આઇપીઓમાંથી એકત્ર કરાયેલી રકમનો ઉપયોગ દેવું ચૂકવવા, મૂડી ખર્ચને ભંડોળ પૂરું પાડવા, કાર્યકારી મૂડીની જરૂરિયાતો પૂરી કરવા અને સામાન્ય કોર્પોરેટ હેતુઓ માટે કરશે. એડિસોફ્ટ ટેક્નોલોજીસમાં પ્રમોટરોનો હિસ્સો જે પ્રારંભિક જાહેર ઓફર પહેલાં 99.98% હતો, તે હવે ઘટીને 73.6% થઈ ગયો છે. અજય ચંદ્રશેખર પ્રભુ અને પ્રીતિ અજય પ્રભુ કંપનીના પ્રમોટર છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ