બિઝનેસ / બદલાઇ રહી છે ઇન્વેસ્ટમેન્ટ રીત, જાણો હવે રોકાણકારો કઇ દિશા તરફ જઇ રહ્યાં છે સૌથી વધુ?

Mutual Funds: વૈશ્વિક બજારોમાં અનિશ્ચિતતા વધી રહી છે. વેપારની ગતિશીલતા બદલાઇ રહી છે. સલામત-રોકાણની માંગ, મોઘવારીની ચિંતા અને વ્યાજ દરમાં ઘટાડાની અપેક્ષાઓને કારણે સોનાના ભાવ વધી રહ્યા છે. જો કે, કોઈ પણ એક સંપત્તિ વર્ગ વર્ષ-દર-વર્ષ સતત શ્રેષ્ઠ પ્રદર્શન કરી શકતો નથી. તેથી ઇક્વિટી, ડેટ અને કોમોડિટીઝમાં વિવિધતાપૂર્ણ દ્રષ્ટિકોણ પહેલા કરતાં વધુ સુસંગત બન્યો છે.

હાઇબ્રિડ મ્યુચ્યુઅલ ફંડ્સમાં રોકાણમાં વધારો

એસોસિએશન ઓફ મ્યુચ્યુઅલ ફંડ્સ ઇન ઇન્ડિયાના ડેટા અનુસાર ઓગસ્ટ 2025 માં હાઇબ્રિડ મ્યુચ્યુઅલ ફંડ્સમાં મજબૂત રોકાણ વૃદ્ધિ જોવા મળી. કુલ મેનેજમેન્ટ હેઠળની સંપત્તિ વધીને રૂપિયા 10.7 લાખ કરોડ થઈ, જે ઓગસ્ટ 2024 ની તુલનામાં 20.22% નો વધારો દર્શાવે છે. આ શ્રેણીમાં મલ્ટિ-એસેટ એલોકેશન ફંડ્સને ઓગસ્ટ 2025 માં રૂપીયા 3,528 કરોડનું ચોખ્ખું રોકાણ મળ્યું, જે ઓગસ્ટ 2024 માં રૂપિયા 2,827 કરોડ હતું.

આ સેગમેન્ટમાં અગ્રણી ફંડ હાઉસમાં નિપ્પોન ઇન્ડિયા મલ્ટી-એસેટ એલોકેશન ફંડ અને નિપ્પોન ઇન્ડિયા મલ્ટી-એસેટ ઓમની ફંડ ઓફ ફંડ્સનો સમાવેશ થાય છે. બંને યોજનાઓ ઇક્વિટી, ડેટ અને કોમોડિટીમાં વૈવિધ્યસભર રોકાણ કરે છે. જ્યારે મલ્ટિ-એસેટ એલોકેશન ફંડમાં સોના અને ચાંદીમાં રોકાણનો સમાવેશ થાય છે.

આ ફંડમાં અપાર સંભાવના

ઇક્વિટી સંભવિત વૃદ્ધિ પ્રદાન કરે છે, સોના અને ચાંદી જેવી કોમોડિટીઝ હેજિંગનું કામ કરે છે. આમાંથી કોઇ એકને પસંદ કરવાને બદલે, મલ્ટિ-એસેટ ફંડ્સ ત્રણેયને એક જરણનીતિમાં સમાહિત કરી લે છે. રોકાણકારો વ્યક્તિગત સંપત્તિઓમાં રોકાણ કરવાનું ટાળતા હોવાથી, હાઇબ્રિડ ફંડ્સ રોકાણ જાળવી રાખવા માટે એક માળખાગત રીત પ્રદાન કરે છે. મલ્ટિ-એસેટ ફંડ્સ અને મલ્ટિ-એસેટ ઓમની ફંડ ઓફ ફંડ વધતી જતી સંભાવના દર્શાવે છે.

એસઆઇપીથી આ મોટો ફાયદો

વધતી જતી અસ્થિરતા અને સતત ફુગાવાની ચિંતાઓ વચ્ચે કિંમતી ધાતુઓની હાજરી એક બચાવ અને એક રણનીતિક અવસર બંને તરીકે કામ કરી શકે છે. રોકાણકારો એકમ રકમ અથવા એસઆઇપી દ્વારા આ ફંડમાં રોકાણ કરી શકે છે, હાઇબ્રિડ ફંડ્સ રોકાણકારોને સંપત્તિ-વિશિષ્ટ સમય વિના રોકાણ જાળવી રાખવાનો વધુ સારો માર્ગ પ્રદાન કરે છે. વૈશ્વિક બજાર ચક્ર અણધારી રહે છે, તેથી આવા ઉત્પાદનો જોખમ અને વળતરને સંતુલિત કરવામાં મદદ કરે છે.

આ પણ વાંચોઃ બિઝનેસ / 1 લાખના સીધા 56 લાખ બનાવી દીધા! બુલેટ બનાવનારી કંપનીએ રોકાણકારોને કરી દીધા

એક નાણાકીય સલાહકારે જણાવ્યું હતું કે ઇક્વિટી બજાર અને સોનું બંને મજબૂતાઈ દર્શાવે છે અને ઋણ સ્થિરતા પ્રદાન કરે છે, એવામાં સોના અને ચાંદીમાં રોકાણ સાથે બહુ-સંપત્તિ દ્રષ્ટિકોણ વર્તમાન પરિવેશમાં આગળ વધવાનો આકર્ષક માર્ગ પ્રદાન કરી શકે છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ