Budget 2023 / 27 દિવસના બ્રેક સાથે ચાલશે સંસદનું બજેટ સત્ર: કુલ 27 બેઠકનું આયોજન, તૈયાર થશે મંત્રાલયોના રિપોર્ટ

• 31 જાન્યુઆરીથી 6 એપ્રિલ સુધી સંસાદનું બજેટ સત્ર 
• કેન્દ્રીય સંસદીય કાર્યમંત્રી પ્રહલાદ જોશીએ ટ્વીટ થકી આપી માહિતી
• બજેટ સત્રમાં 27 બેઠકો યોજાશે

કેન્દ્રીય સંસદીય કાર્યમંત્રી પ્રહલાદ જોશી માહિતી આપતા જણાવ્યું કે સંસાદનું બજેટ સત્ર 31 જાન્યુઆરીથી શરૂ થઈ રહયું છે જે 6 એપ્રિલ સુધી ચાલશે. જેમાં તેમણે વધુમાં જણાવ્યું કે આ સત્ર દરમિયાન 14મી ફેબ્રુઆરીથી 12મી માર્ચ સુધી બ્રેક રહેશે. આ અંગે તેમણે ટ્વીટરના માધ્યમથી માહિતી આપી છે. જેમાં તેમણે લખ્યું કે  31 જાન્યુઆરીથી શરૂ થતું સંસદનું બજેટ સત્ર 6 એપ્રિલ સુધી ચાલશે, જેમાં સામાન્ય રજા સાથે 66 દિવસમાં ચાલનારા આ સત્રમાં 27 બેઠકો યોજાશે.

Budget Session, 2023 of Parliament will commence from 31 January and continue till 6 April with 27 sittings spread over 66 days with usual recess. Amid Amrit Kaal looking forward to discussions on Motion of Thanks on the President’s Address, Union Budget & other items. pic.twitter.com/IEFjW2EUv0

— Pralhad Joshi (@JoshiPralhad) January 13, 2023

14 ફેબ્રુઆરીથી માંડી 12 માર્ચ સુધી બજેટ સત્રમાં રજાઓ
વધુમાં મંત્રી પ્રહલાદ જોશીએ જણાવ્યું કે બજેટ સત્ર 2023 માં 14 ફેબ્રુઆરીથી માંડી 12 માર્ચ સુધી રજાઓ રાખવામાં આવશે. જેને પગલે સંબંધિત સંસદીય સ્થાયી સમિતિઓ માંગણીઓની તપાસ કરી આ મામલે સબંધિત  મંત્રાલયો અને વિભાગો અહેવાલ બનાવી શકે.સંસદનું શિયાળુ સત્ર તોફાની બન્યું હતું. જેમાં વિપક્ષે આરોપ લગાવ્યો હતો કે અરુણાચલ પ્રદેશના તવાંગમાં LAC પર ભારતીય અને ચીની સૈનિકો વચ્ચે 9 ડિસેમ્બરે અથડામણ થઇ હતી.આ મામલે ચર્ચા કરવાની મંજૂરી આપવામાં આવી નથી. જેના પગલે શિયાળુ સત્રમાં હંગામો થયો હતો. 

બજેટ સત્રની અવશક્યતા

આવી સ્થિતિ વચ્ચે હવે બજેટ સત્ર યોજાવા જઇ રહ્યું છે તેવામાં બજેટ સત્ર જરૂરી બની ગયું છે કારણ કે હાલ રશિયા અને યુક્રેન વચ્ચે ચાલતા યુદ્ધ ની સ્થિતીમાંથી વિશ્વ પસાર થઈ રહ્યું છે. જેને પગલે વૈશ્વિક સ્તરે યુદ્ધની પ્રતિકૂળ અસર પડી રહી છે અને આવશ્યક ચીજવસ્તુઓના ભાવમાં વધઘટ જોવા મળી રહી છે. આવી સ્થિતિ વચ્ચે વર્લ્ડ બેંક અને IMFએ પણ તાજેતરમાં 2023માં મંદીના ભણકારની ભીતિ વર્તાવી છે. NSO એ ગુરુવારે જણાવ્યું હતું કે ખાદ્યચીજોના ભાવમાં નરમાઈને પગલે ડિસેમ્બર માસમાં રિટેલ ફુગાવો 12 મહિનાની નીચી સપાટી 5.7 ટકા પર પહોંચ્યો છે.