રાજસ્થાન / ભારત-પાકિસ્તાન જેસલમેર બોર્ડર પર BSF જવાન શહીદ, હીટસ્ટ્રોકના કારણે ગયો જીવ

BSF Soldier Martyr : ભારત અને પાકિસ્તાન વચ્ચે જેસલમેર સરહદ પર તૈનાત બોર્ડર સિક્યુરિટી ફોર્સ (BSF) નો એક જવાન શહીદ થયાના સમાચાર સામે આવ્યા છે. વાત જાણે એમ છે કે, બોર્ડર પર શહીદ થયેલા જવાનની ઓળખ અજય કુમાર તરીકે થઈ છે. કહેવામાં આવી રહ્યું છે કે, સૈનિકનું મોત હીટ સ્ટ્રોકના કારણે થયું છે. નોંધનિય છે કે, હાલ દેશભરમાં આકરી ગરમી જોવા મળી રહી છે. તેની અસર રણની સરહદ પર પણ જોવા મળી રહી છે જ્યાં તાપમાન 55 ડિગ્રીથી ઉપર ગયું છે. આ કાળઝાળ ગરમીના કારણે BSFના જવાનો પણ પરેશાન છે.

અજય કુમારને રવિવારે (26 મે) ના રોજ બોર્ડર પોસ્ટ ભાનુ પર તૈનાત કરવામાં આવ્યા હતા. કાળઝાળ ગરમીના કારણે તેમની તબિયત લથડી હતી. આ પછી તેને સારવાર માટે રામગઢ હોસ્પિટલમાં લઈ જવામાં આવ્યો હતો. સૈનિકનું આજે એટલે કે સોમવારે (27 મે) સવારે હોસ્પિટલમાં મોત થયું હતું. શહીદ જવાનને રામગઢ હોસ્પિટલ પરિસરમાં ગાર્ડ ઓફ ઓનર આપવામાં આવ્યું હતું. આ દરમિયાન 173મી કોર્પ્સ બોર્ડર સિક્યુરિટી ફોર્સના અધિકારીઓએ પણ સૈનિકને ફૂલ સર્કલ અર્પણ કરીને શ્રદ્ધાંજલિ આપી હતી.

શહીદ સૈનિકના પાર્થિવ દેહને મોકલવામાં આવશે જલપાઈગુડી

શહીદ સૈનિકના મૃતદેહને રામગઢથી રોડ માર્ગે જોધપુર લઈ જવામાં આવશે. ત્યારબાદ મૃતદેહને જોધપુરથી પશ્ચિમ બંગાળના જલપાઈગુડીમાં એરલિફ્ટ કરવામાં આવશે. હાલ શેરગઢ પોલીસ આ મામલે તપાસ કરી રહી છે. જે રીતે દિલ્હીથી લઈને યુપી-બિહાર સુધી ગરમીનો અનુભવ થઈ રહ્યો છે તેવી જ ગરમી રાજસ્થાનમાં પણ અનુભવાઈ રહી છે. રણ વિસ્તાર હોવાને કારણે અહીંની રેતી દિવસ દરમિયાન એટલી ગરમ રહે છે કે લોકો તેના પર રોટલી શેકી શકે છે.

રાજસ્થાનના બિકાનેરમાં તાપમાન 47 ડિગ્રી સુધી પહોંચી ગયું છે. આંતરરાષ્ટ્રીય સરહદે રેતી ભઠ્ઠીની જેમ પડી રહી છે, પરંતુ માતૃભૂમિની સેવા કરતા આપણા સૈનિકો મજબૂત ઊભા છે. બીકાનેરની રેતીમાં BSF જવાનને પાપડ શેકતો દર્શાવતો વીડિયો વાયરલ થયો છે.

વધુ વાંચો : 'તેજસ્વીને તેના પિતાના કારનામા વિશે...' BJP અધ્યક્ષ જેપી નડ્ડાના લાલુ પ્રસાદ યાદવ પર પ્રહાર

કાળઝાળ ગરમીમાં BSFના જવાનો અત્યંત સતર્કતા સાથે તૈનાત છે, ગરમી એવી હતી કે કારના બોનેટ પર રોટલી શેકાઈ ગઈ હતી, જ્યારે BSF જવાનો તડકામાં પાપડ શેકતા હોવાનો વિડીઓ પણ વાયરલ થયો હતો.