કુતૂહલ / મધ્યપ્રદેશની હેરાન કરી દેનારી ઘટના ! હેન્ડપંપમાંથી પાણીની સાથે નીકળી આગ, Video જોઈને નહીં આવે વિશ્વાસ

• મધ્યપ્રદેશના છતરપુરનો હેરાન કરી દેતો વીડિયો
• હેન્ડપંપમાંથી પાણી સાથે નીકળી આગ
• કછાર ગામના લોકોમાં કુતૂહલ

પાણી અને આગ આ બંને એક બીજાના વિરોધી છે. આગ હોય ત્યારે પાણી નાંખો એટલે આગ ઓલવાઇ જાય. પાણી હોય ત્યાં આગ લાગી શકતી નથી. એટલે કે ક્યાં તો પાણી હોય કે આગ. પરંતુ બંને એક સાથે ક્યારેય ન હોઇ શકે.  પરંતુ આગ અને પાણી બંને એકસાથે જોવા મળે તો નવાઇ લાગેને .. ત્યારે આવી જ ઘટના જોવા મળી મધ્યપ્રદેશમાં

પાણી અને અગ્નિ એકસાથે 

મધ્યપ્રદેશના છતરપુરનો એક હેરાન કરી દેતો વીડિયો વાયરલ થયો છે. છતરપુર જિલ્લાના બકસ્વાહા વિસ્તારના કછાર ગામનો એક વીડિયો વાયરલ થયો છે. જેમાં હેન્ડપંપમાંથી પાણી અને આગ બંને એક સાથે નીકળે છે. આ વીડિયો જોઇને ઘણી નવાઇ લાગે કે આવુ કેવી રીતે શક્ય બને ? શું કોઇ ચમત્કાર હશે ? આ વાયરલ વીડિયોએ તો બધાના મનમાં સવાલો કરી દીધા કે આખરે આવુ કેવી રીતે ? અધિકારીઓ પણ કામે લાગ્યા.  પરંતુ ભૂસ્તર શાસ્ત્રીના જણાવ્યા મુજબ આ કોઇ ચમત્કાર નથી.આ માત્ર મિથેનગેસના કારણે આ પ્રકારનો બનાવ બન્યો છે.