મનોરંજન / બિગ બોસ ફેમ અબ્દુ રોજિકની દુબઈ એરપોર્ટ પર ધરપકડ, લાગ્યો આ આરોપ

ફેમસ તાજિક સિંગર અને બિગ બોસ સ્ટાર અબ્દુ રોજિકની દુબઈ ઇન્ટરનેશનલ એરપોર્ટ પર ધરપકડ કરવામાં આવી છે. મળતી માહિતી મુજબ, ચોરીના આરોપસર તેમની અટકાયત કરવામાં આવી છે. શનિવારે સવારે લગભગ 5 વાગ્યે મોન્ટેનેગ્રોથી દુબઈ પહોંચ્યા પછી તરત જ અધિકારીઓ દ્વારા અબ્દુને અટકાવવામાં આવ્યો હતો. તેમની મેનેજમેન્ટ કંપનીએ 'ખલીજ ટાઈમ્સ'ને આ સમાચારની પુષ્ટિ કરી છે.

જોકે, અબ્દુને કયા ચોરી માટે અટકાયતમાં લેવામાં આવ્યો છે તે અંગેની ચોક્કસ માહિતી હજુ સુધી જાહેર કરવામાં આવી નથી અને અધિકારીઓ દ્વારા કોઈ સત્તાવાર નિવેદન જારી કરવામાં આવ્યું નથી. અબ્દુની ટીમે કહ્યું, "અમે ફક્ત એટલું જ કહી શકીએ છીએ કે અમને ખબર છે કે તેને ચોરીના આરોપસર અટકાયતમાં લેવામાં આવ્યો છે."

અબ્દુ રોજિક કોણ છે?

21 વર્ષીય અબ્દુ રોજિક તેની ટૂંકી ઊંચાઈ (ગ્રોથ હોર્મોનના અભાવને કારણે) હોવા છતાં મિડલ ઇસ્ટના ફેમસ સેલિબ્રિટીઓમાંનો એક છે. તેની પાસે UAE ગોલ્ડન વિઝા છે અને તે ઘણા વર્ષોથી દુબઈમાં રહે છે. તેને તેના ગીતો, વાયરલ વીડિયો અને 'બિગ બોસ 16' જેવા રિયાલિટી શો દ્વારા ઘણી લોકપ્રિયતા મેળવી છે.

વધુ વાંચો: VIDEO: પ્રેમી સાથે હોટલમાં અંગત પળો માણતી હતી, અચાનક પતિ આવતા પત્ની દિવાલ કૂદીને ભાગી

વિવાદો સાથે જૂનો સંબંધ!

આ પહેલી વાર નથી જ્યારે અબ્દુ રોજિક વિવાદમાં ફસાયો હોય. 2024 માં, તેને દુબઈના કોકા-કોલા એરેનામાં બોક્સિંગ ડેબ્યૂ કર્યું અને યુકેમાં તેની રેસ્ટોરન્ટ બ્રાન્ડ 'હબીબી' લોન્ચ કરી. આ વર્ષે તેને ભારતના એન્ફોર્સમેન્ટ ડિરેક્ટોરેટ (ED) દ્વારા એક હોસ્પિટાલિટી ફર્મ સાથે સંબંધિત મની લોન્ડરિંગ કેસમાં પૂછપરછ માટે બોલાવવામાં આવ્યો હતો, જોકે તેઓ આ કેસમાં આરોપી નહોતો. ગત વર્ષે પણ, આ મની લોન્ડરિંગ કેસ ભારતમાં ચર્ચામાં આવ્યો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ