ઋષિ કપૂર ન્યુયોર્કમાં કેન્સરનો ઇલાજ કરાવી રહ્યા છે. એમની પત્ની નીતૂ કપૂર પણ તેમની સાથે છે. નીતૂ કપૂર ઘણીવાર ફેમિલી ફોટોઝ અને ઋષિ કપૂરની ફોટોઝ સોશિયલ મીડિયા પર શેયર કરતી રહે છે. એમણે એક વીડિયો શેયર કર્યો છે જેમા એક જ ગીત પર ઋષિ કપૂર અને રણબીર કપૂર ડાન્સ કરતા નજરે પડી રહ્યા છે.
ઋષિ કપૂર શ્રીદેવી સાથે 'ચાંદની' ફિલ્મમાં 'તેરે મેરે હોંઠો પર' ગીત પર ડાન્સ કર્યો હતો. બાદમાં આ જ ગીત પર ઋષિ કપૂરના પુત્ર રણબીર કપૂરે પોતાની ફિલ્મ 'એ દિલ હે મુશ્કિલ'માં અનુષ્કા શર્મા સાથે ડાન્સ કર્યો હતો. આ બંનેના ડાન્સને મિલાવી નીતૂ કપૂરે એક વીડિયો શેયર કર્યો છે. નીતૂ કપૂરે વીડિયો શેયર કરતા લખ્યું, 'આ કેટલું સારું છે.'
ઋષિ કપૂરની વાત કરીએ તો, એમણે જલ્દી જ ભારત પાછા આવશે. હાલમાં જ એક ઇન્ટરવ્યૂમાં ઋષિ કપૂરે પોતાની સ્થિતિ વિશે જણાવ્યું હતું. હવે તે કેન્સર મુક્ત થઇ ચુક્યા છે. બોનમેરો ટ્રાન્સપ્લાન્ટ બાદ તે ભારત પાછા આવશે. રિપોર્ટ્સ મુજબ ઋષિ કપૂર પોતાના બર્થ ડે પહેલા ભારત આવશે.