બોલીવુડ / VIDEO: પરિણામ માટે તૈયાર રહો, સલમાન ખાનની ચેતવણી, બિગ બોસ 19નો નવો પ્રોમો રિલીઝ

તાજેતરમાં સલમાન ખાનના લોકપ્રિય ટીવી રિયાલિટી શો 'બિગ બોસ'ની ૧૯મી સીઝનની થીમ રાજકીય હશે તેવી માહિતી સામે આવી છે. સલમાને આ શો સાથે સંબંધિત એક નવો પ્રોમો વીડિયો શેર કર્યો છે, જેમાં તેનો લૂક અને ડાયલોગ્સ કોઈ નેતા જેવા છે. આ વીડિયોએ દર્શકોની ઉત્સુકતા વધારી દીધી છે.

View this post on Instagram

A post shared by Salman Khan (@beingsalmankhan)

બિગ બોસ ૧૯માં આ વખતે ડ્રામા ડેમોક્રેસી

બિગ બોસના ઇતિહાસમાં પહેલી વાર આ વખતે શોની થીમ રાજકીય હશે. થોડા સમય પહેલાં એક પ્રોમો વીડિયોમાં સલમાન ખાન નેતાના ગેટઅપમાં જોવા મળ્યો હતો. હવે, ૯ ઓગસ્ટે, સલમાને 'બિગ બોસ ૧૯'નો એક નવો પ્રોમો વીડિયો શેર કર્યો હતો. જેમાં તે કહે છે આ ૧૮-૧૯ વર્ષમાં પહેલી વાર બન્યું છે. આ વખતે 'બિગ બોસ'ના ઘરમાં ડ્રામા ગાંડપણભર્યું નહીં, પરંતુ લોકશાહીનું હશે. આ વખતે ઘરમાં દરેક નાનો-મોટો નિર્ણય પરિવારના સભ્યોના હાથમાં હશે. તેઓ પોતાની રીતે નિર્ણય લઈ શકશે. પરંતુ પરિણામો માટે અને જનતા માટે તૈયાર રહેવું પડશે. સલમાને ભારપૂર્વક કહ્યું કે આ વખતે બિગ બોસમાં પરિવારના સભ્યોની જ સરકાર હશે. આ પ્રોમો વીડિયો જોતાં લાગે છે કે આ વખતે દર્શકોને એક નવો અને રસપ્રદ કોન્સેપ્ટ જોવા મળશે.

વધુમાં વાંચો: ઈઝરાયલી સેનાએ લીધો બદલો, હમાસ આતંકી સંગઠનના 5 ખતરનાક કમાન્ડરોને કર્યા ઠાર

શો ક્યારે શરૂ થશે?

સલમાન ખાને આ પ્રોમો વીડિયો શેર કરતા લખ્યું આ વખતે બિગ બોસના ઘરમાં ડ્રામા ડેમોક્રેસી હશે! શું તમે આ નવા ટ્વિસ્ટ માટે તૈયાર છો? આ સીઝન ૨૪ ઓગસ્ટથી શરૂ થવા જઈ રહી છે. તમે આ શો કલર્સ ટીવી પર જોઈ શકો છો અને Jio Hotstar પર પણ સ્ટ્રીમ કરી શકાશે. આ શોના ચાહકો દર વર્ષે તેની નવી સીઝનની આતુરતાથી રાહ જોતા હોય છે. આ નવા પ્રોમો વીડિયોએ તેમની ઉત્સુકતા વધુ વધારી દીધી છે. દર્શકો નવી થીમ અને સલમાનના નવા અવતારને જોવા માટે ખૂબ જ ઉત્સાહી છે. જોકે, આ વખતે શોમાં કયા સ્પર્ધકો ભાગ લેશે તે વિશે હજુ સુધી કોઈ સત્તાવાર જાહેરાત કરવામાં આવી નથી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ