રાજકોટના લાડાણી બિલ્ડર્સ ગ્રુપ આઈટીની તપાસમાં સૌથી મોટો ખુલાસો થયો છે. 500 કરોડનાં કાળાનાણાનો હિસાબ સામાન્ય મકાનમાં છુપાવ્યો હતો. યુનિવર્સિટી રોટ પર પીજીવીસીએલ ની ઓફીસ પાછળ મકાન ભાડે રાખ્યું હતું. સામાન્ય મકાનમાં 500 કરોડનાં કાળાનાણાંનો હિસાબ મળ્યો છે. આઈટી વિભાગ દ્વારા સીસીટીવી ચેક કરતા ડેટા છુપાવ્યો હતો તે જગ્યાની માહિતી મળી હતી. 500 કરોડના બેનામી રૂપિયાનો હિસાબ ન પકડાય તે માટે સામાન્ય મકાનમાંથી વહીવટ ચાલતો હતો. ઈન્કમટેક્ષ વિભાગે 27 ફેબ્રુઆરીએ લાડાણી જૂથનાં 30 પરિસરો પર સર્ચ ઓપરેશન શરૂ કર્યું હતું. સીસીટીવી અને ટેકનિકલ સર્વેલન્સની મદદથી આવકવેરા વિભાગે 500 કરોડનાં બેનામી વ્યવહારો ઝડપ્યા હતા.
આઈટી વિભાગે પોલીસની મદદથી લગભગ 450 CCTV કેમેરા ચેક કર્યા
આઈટી વિભાગે ટેકનોલોજીની મદદથી 500 કરોડની ટેક્સ ચોરી પકડી હતી. આઈટી વિભાગે પોલીસની મદદથી લગભગ 4500 સીસીટીવી કેમેરા ચેક કર્યા હતા. યુનિવર્સિટી રોડ પર પીજીવીસીએલની ઓફીસ પાછળ આવેલા સામાન્ય મકાન જેવા વિસ્તારમાં એક રૂમમાં તપાસ કરતા આવક ચોરીના તમામ પુરાવા મળ્યા હતા. કંપનીનાં બ્લેકમનીને સાચવવાનું તથા તેને હેન્ડલ કરવાનું કામ કંપનીના એકાઉન્ટન્ટ અંકિત શિરા અને રાજ સિસોદિયા કરતા હતા. ત્યારે પુરાવા ન મળે તે માટે એકદમ ભંગાર હાલતમાં હોય તેવી જગ્યા પસંદ કરવામાં આવી હતી.
વધુ વાંચોઃ હું તમને છોડીને જઉં છું કારણ કે PSI મને ટૉર્ચર કરે છે: સુરતમાં આપઘાત કરનાર પ્રૌઢની સુસાઇડ નોટ વાંચી ધ્રુજી જશો
રેઇડ દરમિયાન 10મા માળેથી ફેંકવામાં આવેલ ફોન રિકવર કરવામાં આવ્યો
ઈન્કમટેક્ષ વિભાગે 27 ફેબ્રુઆરીએ લાડાણી જૂથ અને તેના નિકટના લોકોના 30 પરિસરો પર સર્ચ ઓપરેશન હાથ ધર્યું હતું. રેડ દરમ્યાન 10 મા માળેથે ફેંકવામાં આવેલ ફોન રિકવર કરવામાં આવ્યો છે. તેમાંથી ડેટા મેળવવા માટે ફોરેન્સિક લેબમાં મોકલવામાં આવ્યો હતો. સીસીટીવી ફૂટેજમાં અંકિત શિરા અને તેની પત્નિ એક સુટકેશ લઈને જતા હતા. સુટકેશનું પગેરૂ શોધતા તેમાંથી 1.25 કરોડ રૂપિયા નીકળ્યા હતા.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
