હડતાળ / બેંકનાં તમામ જરૂરી કામ પતાવી દેજો નહીં તો તકલીફમાં મુકાશો, બેંક કર્મચારીઓ ઉતરશે હડતાળ પર, છ દિવસ રહેશે અસર

• બેંક કર્મચારીઓની હડતાળ 
• બેંક કર્મચારીઓની 8 માંગણીઓ
• હડતાળની અસરો 

બેંક કર્મચારીઓની હડતાળ 
 શનિ-રવિવારની રજા બાદ 28 અને 29 માર્ચના રોજ બેંક કર્મચારીઓ હડતાળ પર છે જે ઓલ ઇન્ડિયા બેંક એસોશિએશનના નેજા હેઠળ છે. બેંક કર્મચારીઓ કામથી અળગા રહીને વિરોધ નોંધાવશે. આ હડતાળમાં બધી રાષ્ટ્રીયકૃત બેંક, રીઝર્વ બેંક ઓફ ઇન્ડિયા, ક્ષેત્રીય ગ્રામીણ બેંક, સંગઠિત સહકારી બેંક વગેરેનાં કર્મચારીઓ ભાગ લેશે. 
આ હડતાળ સરકારની જાહેર સાહસ વિરોધી નીતિ સામે કરવામાં આવશે.  8 પડતર માંગણીઓ મુદ્દે બેંક કર્મીઓ હડતાળમાં જોડાશે અને સાથે જ સેન્ટ્રલ ટ્રેડ યુનિયન, સ્વતંત્ર ફેડરેશનના સભ્યો પણ હડતાળ કરશે. 

શા માટે થશે હડતાળ?
હડતાળ કર્મચારીઓની 8 માંગણીઓને પૂરી કરવા માટે કરવામાં આવશે. આ હડતાળ જાહેર ક્ષેત્રોને મજબુત બનાવવા, બેંકોનું ખાનગીકરણ અટકાવવા માંગને લઈને, બેંક લોનની રિકવરી શરૂ કરવા, થાપણ વ્યાજમાં વધારો કરવા માટે કરવામાં આવશે.  આ સાથે જ ગ્રાહકો પર ઉંચા સર્વિસ ચાર્જનો બોજ ન નાખવાની પણ માંગ કરવામાં આવી છે.  નવી પેન્શન યોજના રોકો- DA લિંક્ડ પેન્શન યોજના પુનઃસ્થાપિત કરવાની માંગ અને આઉટ સોર્સિંગ બંધ કરી કાયમી ભરતી કરવાની માંગ પણ કરી છે.  તમામ કોન્ટ્રાક્ટ કર્મચારીઓને કાયમી કરવાના મુદ્દે પણ આ 2 દિવસની હડતાળ કરવામાં આવશે.

બેંક કર્મચારીઓની 8 માંગણીઓ
1). જાહેર ક્ષત્રોને મજબૂત કરવા
2). બેંકોનું ખાનગીકરણ અટકાવવું
3). બેંક લોનની રિકવરી શરૂ કરવી
4). થાપણ વ્યાજમાં વધારો કરવો
5). ગ્રાહકો પર ઉંચા સર્વિસ ચાર્જ ન નાખવા
6). નવી પેન્શન યોજનાને રોકવી
7). DA લિંક્ડ પેન્શન યોજના પુનઃસ્થાપિત કરવી
8). કર્મચારીઓનું આઉટ સોર્સિંગ બંધ કરી, કાયમી ભરતીની માંગ

હડતાળની અસરો 
તમામ કોન્ટ્રાક્ટ કર્મચારીઓને કાયમી કરવાના મુદ્દે 2 દિવસની હડતાળ છે.  આ હડતાળને પગલે બેંકમાં થતા કરોડોના ટ્રાન્જેક્શન ખોરવાશે. ગુજરાતની કુલ 3665 રાષ્ટ્રીયકૃત બેંક શાળાઓ હડતાળને કારણે બંધ રહેશે. કુલ 40 હજાર જેટલા બેંક કર્મચારીઓ હડતાળમા જોડાશે અને રાજ્યમાં કુલ 25 હજાર કરોડના વ્યવહારોને અસર થઇ શકે છે.