BIG BREAKING / હવેથી મુલાકાતીઓ બાદ મંત્રીઓ અને અધિકારીઓ માટે પણ કેબિનેટ બેઠકમાં આ નિયમ લાગુ, જુઓ શું લેવાયો મહત્વનો નિર્ણય

• કેબિનેટ બેઠકના નિયમોમાં ફેરફારો કર્યા
• કેબિનેટની બેઠકમાં મોબાઈલ પર પ્રતિબંધ
• બધા મંત્રી અને સચિવોને લાગુ પડશે નિયમ

ગુજરાત વિધાનસભા ચૂંટણીમાં ભાજપની રેકોર્ડ બ્રેક જીત બાદ રાજ્યમાં ફરી મુખ્યમંત્રી તરીકે ભૂપેન્દ્ર પટેલે 12મી ડિસેમ્બરે શપથ ગ્રહણ કર્યા હતા. ત્યારબાદ કેબિનેટ બેઠકમાં પણ ઘણા ફેરફારો કરવામાં આવ્યા હતા. હવેથી કેબિનેટ બેઠકમાં મંત્રીઓ, મુખ્ય સચિવ સહિતના તમામ સચિવો અને અંગત સચિવોને પણ ફોન લીધા વિના જ આવવું પડશે. કેબિનેટની બેઠકમાં મોબાઈલ પર પ્રતિબંધ મૂકી દેવામાં આવ્યો છે.

કેબિનેટમાં થતી ચર્ચાની ગુપ્તતા જાળવવા નિર્ણય
કેબિનેટ બેઠકમાં થતી ચર્ચાની ગુપ્તતા જળવાય તે માટે આ નિયમ લાગુ કરવામાં આવ્યો છે. કેબિનેટ બેઠકમાં સચિવ અને સેક્રેટરી કક્ષાના અધિકારીઓ ભાગ લેવા આવતા હોય છે. તમામ અધિકારીઓએ ચુસ્તપણે આ નિયમનું પાલન કરવાની મુખ્ય સચિવ દ્વારા સૂચના આપવામાં આવી છે.

કોરોના ગાઈડલાઈન્સ અનુસરવી પડશે
ગાંધીનગરમાં સચિવાલયમાં આજથી(સોમવાર) મુલાકાતી માટે મંત્રીઓ રહેશે હાજર, મુલાકાતીઓ તમામ મંત્રીઓ સાથે કરી શકશે મુલાકાત. આ સાથે જ વધતા જતા કોરોના કેસોને લઈને સચિવાલયમાં કોવિડ ગાઈડલાઈનનું પાલન કરવું પડશે. સચિવાલયમાં માસ્ક ફરજિયાત પહેરવું પડશે અને કોરોનાને લગતા નિયમોને અનુંસરણ કરવું પડશે. મંત્રીઓ સાથે મુલાકાત દરમિયાન માસ્ક ફરજિયાત પહેરવું પડશે.