વિવાદ / આદિપુરુષ ફિલ્મને લઈને ભડક્યા બાબા બાગેશ્વર, કહ્યું જેણે આ ડાયલોગ લખ્યા છે, એ ક્યાંક ફસાઈ ગયો તો...

• ફિલ્મ આદિપુરૂષ પર બાબા બાગેશ્વરનું નિવેદન 
• કહ્યું ફિલ્મો મજગ અને જીવન પર કરે છે પ્રભાવ 
• આવી ફિલ્મો ન બનાવવી જોઈએ 

થોડા દિવસ પહેલા રિલીઝ થયેલી ફિલ્મ આદિપુરૂષને લઈને વિવાદ ઓછો થવાનું નામ નથી લઈ રહ્યો. લોકો તેને લઈને અલગ અલગ વિચાર મુકી રહ્યા છે. કોઈને આ ફિલ્મ પસંદ આવી તો કોઈને નાપસંદ. તેના ડાયલોગ્સને લઈને લોકોમાં જબરદસ્ત રોષ જોવા મળ્યો હતો. તેમની ખૂબ આલોચના થઈ હતી. 

ફિલ્મની પટકથા સહિત ઘણા અન્ય વિષયોને લઈને પણ લોકોએ પોતાનો ગુસ્સો વ્યક્ત કર્યો હતો. આ બધાની બાબા બાગેશ્વર પંડિત ધીરેન્દ્ર કૃષ્ણ શાસ્ત્રીએ પણ આલોચના કરી છે. તેમણે કહ્યું કે આવી ફિલ્મ બનાવનારને હનુમાનજી સદ્બુદ્ધિ આપે.  

'હનુમાનજીને એવા બતાવ્યા છે કે તેને ખુદ વીર બજરંગબલી જ બચાવે'
તેમણે કહ્યું કે નકલ કરવી યોગ્ય વાત છે પરંતુ આવી નકલ ન કરવી જોઈએ. તેમણે કહ્યું કે આજકાલ એક એવી ફિલ્મ આવી છે જેમાં હનુમાનજીને એવા બતાવ્યા છે જેને ખુદ વીર બજરંગી જ બચાવે. ધીરેન્દ્ર શાસ્ત્રીએ કહ્યું કે અમે આખી ફિલ્મ તો નથી જોઈ પરંતુ કોઈએ જણાવ્યું કે તેમાં કેટલા નિમ્ન સ્તરના ડાયલોગ બોલવામાં આવે છે. જેમણે લખ્યું છે કે તેલ તેરે બાપ કા.... જો તે ક્યાંક ફસાઈ ગયા તો જય જય સીતારામ જ બોલશે. 

ફિલ્મ આપણા મગજ પર પ્રભાવ છોડે છે 
ધીરેન્દ્ર શાસ્ત્રીએ કહ્યું કે હનુમાનજી બોલવામાં થોડા કટૂ છે પરંતુ આટલા પણ નહીં. તે ખૂબ જ જ્ઞાની, બુદ્ધિમાન અને સૌમ્ય છે. તે તાર્કિક પણ છે પરંતુ લોકો પોતાના બચાવમાં આવા તર્ક પણ પ્રસ્તુત ન કરે, જેનાથી તર્ક જ ખરાબ થઈ જાય. તેમણે કહ્યું કે ફિલ્મ મગજ પર છાપ છોડે છે. અતઃ આવી ફિલ્મ બમાવો, જેનાથી આપણા સંસ્કારોની વૃદ્ધિ થાય, સનાતન સંરક્ષણ હોય. હું બસ એટલું કહીશ કે આવી ફિલ્મ બનાવનારને હનુમાનજી સદ્બુદ્ધિ આપે.