કાળો જાદુ / લો કરો વાત, અમદાવાદમાં રાજકારણીઓ હવે કાળા જાદુના આશરે, વિરોધી નેતા સામે તાંત્રિક વિધિનું ષડયંત્ર

• કોંગ્રેસ મહિલા કાઉન્સિલર જમનાબેન વેગડા ચર્ચાનું કેન્દ્ર 
• મહિલા કાઉન્સિલરની ઓડિયો ક્લીપ થઈ વાયરલ 
• ઓડિયો ક્લીપમાં મહિલા કાઉન્સિવલરે કાળો જાદુ કરાવ્યો હોવાનો ઘટસ્ફોટ 
• સમગ્ર મામલે કોંગ્રેસ પ્રમુખે આપ્યા તપાસના આદેશ 

કોંગ્રેસમાં મહિલા કાઉન્સિલર દ્વારા કાળા જાદુના મામલો હવે ચર્ચાનું કેન્દ્ર બન્યો છે. જેમા હવે પ્રદેશ કોંગ્રેસ દ્વારા તેની ગંભીર નોંધ લેવામાં આવી છે. મહિલા કાઉન્સિલર જમનાબેન વેગડાની એક ઓડિયો ક્લિપ વાયરલ થઈ છે. જેમા તેઓ કાળૂજાદુીન વાત કરી રહ્યા છે. જેથી આ મામલે હવે રાજકારણમાં પણ ગરમાવો જોવા મળ્યો છે. 

સસ્પેન્ડ થવા સુધીની કાર્યવાહી થઈ શકશે 

જે ઓડિયો વાયરલ થયો છે તેમા કાળા જાદુનો ઉલ્લેખ જોવા મળી રહ્યો છે. આ મામલે જો જમનાબેન વેગડા દોષિત સાબિત થશે તો કાર્યવાહી કરવામાં આવશે. સમગ્ર મામલે પ્રદેશ કોંગ્રેસ પ્રમુખ દ્વારા તપાસના આદેશ આપવામાં આવ્યા છે. જેમા તપાસમાં જો મહિલા કાઉન્સિલર દોષી સાબિત થશે તો પાર્ટીમાંથી તેમને સસ્પેન્ડ કરવા સુધીની કાર્યવાહી કરવામાં આવી શકે છે.

 AMC વિપક્ષ નેતા સામે તાંત્રિક વિધી કરાવી હોવાનું ષડયંત્ર 

પાર્ટી દ્વારા એવું પણ કહેવામાં આવ્યું છે કે તેઓ આવી કોઈ પણ ઘટનાઓને ચલાવી લેવામાં નહી આવે. આપણે જણાવી દઈએ કે અમદાવાદમાં દાણીલિમડાના કાઉન્સિલર જમનાબેન વેગડાનો ઓડિયો વાયરલ થયો હતો. જેમા AMC વિપક્ષ નેતા શહેજાદ પઠાણ સામે તાંત્રિક વિધી કરવવાનું ષડયંત્ર સામે આવ્યું છે. 

MLA શૈલેષ પરમાર સામે પણ તાંત્રિક વિધી કરાવી હોવાનું ષડયંત્ર 

ઉલ્લેખનીય છે કે જે ઓડિયો ક્લીપ વાયરલ થઈ છે તેમા MLA શૈલેષ પરમાર સામે પણ તાંત્રિક વિધી કરવાનું ષડયંત્ર સામે આવ્યું છે. જેથી હવે આ સમગ્ર મામલે પ્રદેશ કોંગ્રેસ પ્રમુખ દ્વારા જમનાબેન સામે તપાસના આદેશ આપવામાં આવ્યા છે. પાર્ટી દ્વારા કહેવામાં આવ્યું છે કે તેઓ આ પ્રકારની ઘટના ક્યારેય નહી ચલાવે જેથી આ મામલે હવે જો તેઓ દોષી સાબિત થશે તો પાર્ટીમાંથી તેમને સસ્પેન્ડ કરવના સુધીની કાર્યવાહી પણ થઈ શકે છે.