EMPS 2024 / ઈલેક્ટ્રિક વાહનો અંગે કેન્દ્રનું મોટું એલાન, 50 હજારની મળશે સહાય, 1 એપ્રિલથી યોજના લાગુ

ભારતમાં ઇલેક્ટ્રિક મોબિલિટીને પ્રોત્સાહન આપવા માટે રૂ. 500 કરોડની નવી યોજના સોમવાર (1 એપ્રિલ) થી લાગુ કરવામાં આવશે અને જુલાઈના અંત સુધી ચાલુ રહેશે. દેશમાં ફાસ્ટર એડોપ્શન એન્ડ મેન્યુફેક્ચરિંગ ઓફ ઈલેક્ટ્રિક વ્હીકલ (FAME-II) પ્રોગ્રામનો બીજો તબક્કો 31 માર્ચ, 2024ના રોજ સમાપ્ત થઈ રહ્યો છે. FAME યોજના હેઠળ સબસિડી 31 માર્ચ સુધી અથવા ભંડોળ ઉપલબ્ધ ન થાય ત્યાં સુધી વેચવામાં આવેલા ઈ-વાહનો માટે ઉપલબ્ધ રહેશે..મહત્વપૂર્ણ છે કે દેશમાં ઇલેક્ટ્રિક વાહનો (EV) ને અપનાવવામાં વધુ વેગ આપવા માટે, ભારે ઉદ્યોગ મંત્રાલયે 500 કરોડ રૂપિયાની ઇલેક્ટ્રિક મોબિલિટી પ્રમોશન સ્કીમ 2024 (EMPS 2024) શરૂ કરી છે.

આ પણ વાંચોઃ  જો તમારી પાસે ઇલેક્ટ્રિક વાહન છે તો સારા સમાચાર, IOC દેશભરના પેટ્રોલ પંપ પર લગાવશે 1400 EV ચાર્જર

50,000 રૂપિયા સુધીની નાણાકીય સહાય મળશે

EMPS 2024 હેઠળ, ટુ-વ્હીલર દીઠ રૂ. 10,000 સુધીની સહાય આપવામાં આવશે. તે અંદાજે 3.33 લાખ ટુ-વ્હીલર્સને સપોર્ટ આપવાનું લક્ષ્ય ધરાવે છે. નાના થ્રી-વ્હીલર (ઈ-રિક્ષા અને ઈ-કાર્ટ)ની ખરીદી પર રૂ. 25,000 સુધીની સહાય પૂરી પાડવામાં આવશે. યોજના હેઠળ આવા 41,000 થી વધુ વાહનોને પ્રોત્સાહન આપવામાં આવશે. મોટા થ્રી-વ્હીલરના કિસ્સામાં 50,000 રૂપિયા સુધીની નાણાકીય સહાય આપવામાં આવશે.

EMPS 2024 એ ફંડ-લિમિટેડ સ્કીમ છે

EMPS 2024 એ ફંડ-લિમિટેડ સ્કીમ છે. આમાં, ઇલેક્ટ્રિક ટુ-વ્હીલર (e-2W) અને થ્રી-વ્હીલર (e-3W)ને ઝડપથી અપનાવવા માટે 4 મહિના એટલે કે 1 એપ્રિલ, 2024થી 31 જુલાઈ, 2024 સુધી કુલ રૂ. 500 કરોડનો ખર્ચ કરવામાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો