એશિયા કપ / જીત બાદ ટ્રોફી કાંડ : મોહસીન નકવીએ અડધી રાતે સંતાડી દીધી એશિયા કપની ટ્રોફી-મેડલ, મોટો વિવાદ

પાકિસ્તાનને હરાવીને એશિયા કપની ફાઈનલ જીત્યાં બાદ ટીમ ઈન્ડિયાએ એશિયન ક્રિકેટ કાઉન્સિલના પ્રેસિડન્ટ મોહસીન નકવી પાસેથી એશિયા કપની ટ્રોફી સ્વીકારવાનો ઈન્કાર કર્યો છે. જીત બાદ નકવી ટ્રોફી સાથે મેદાનમાં આવ્યાં હતા પરંતુ ભારતીય ટીમ તેના પહેલેથી લીધેલા નિર્ણય પર અડગ રહી અને નકવી પાસેથી ટ્રોફી લેવા માટે ફરકી જ નહીં, નકવી લગભગ 2 કલાક સુધી તેમની પ્રતિક્ષા કરતાં રહ્યાં હતા.

નકવી હોટલ લઈ ગયા ટ્રોફી-મેડલ

ભારતીય ટીમ ટ્રોફી લેવા માટે નહીં આવે એવું જાણીને નકવી એશિયા કપની ટ્રોફી અને મેડલ પોતાની સાથે હોટલમાં લઈ ગયા હતા.

ટ્રોફી ભારતને પરત કરો-બીસીસીઆઈ આકરા પાણીએ

BCCI એ આનો સખત વિરોધ કર્યો છે, અને કહ્યું છે કે ટ્રોફી ભારત પરત કરવી જોઈએ, કારણ કે વિજેતા ટીમ તેની હકદાર છે.

વધુ વાંચો : PM મોદીએ હાથ જોડીને નમસ્કાર કર્યાં તો જુઓ લેડી IAS વિશાખા યાદવે શું કર્યું? તસવીરો થઈ વાયરલ

ભારતે નવમી વાર જીત્યો એશિયા કપ

ઉલ્લેખનીય છે કે રવિવારે દુબઈમાં રમાયેલી ફાઈનલમાં પાકિસ્તાનને 5 વિકેટે હરાવીને ભારતે એશિયા કપ જીતી લીધો છે. ભારતે નવમી વાર એશિયા કપ જીત્યો છે. પહેલા બેટિંગ કરતાં પાકિસ્તાને 20 ઓવરમાં 146 રન બનાવ્યાં હતા જવાબમાં ભારતે 5 વિકેટ ગુમાવીને 19.1 ઓવરમાં 150 રન બનાવી લીધા હતા અને આ રીતે ભારતે 5 વિકેટે ફાઈનલ પોતાને નામે કરી લીધી હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ