એશિયા કપ 2022માં IND-PAK વચ્ચેની મેચમાં ભારતે 5 વિકેટથી પાકિસ્તાનને પરાજય આપ્યો. ત્યારે એવા કયા પાંચ પરિબળો હતા કે જેના કારણે ટીમ ઈન્ડિયાએ પાકિસ્તાનને હરાવી દીધું.
એશિયા કપ 2022માં ટીમ ઈન્ડિયાનું શાનદાર પ્રદર્શન
ભારતે કટ્ટર હરીફ પાકિસ્તાનને 5 વિકેટથી હરાવ્યું
હાર્દિકે વિનિંગ સિક્સ ફટકારી અપાવી રોમાંચક જીત
એશિયા કપ 2022માં ટીમ ઈન્ડિયાએ પોતાના અભિયાનની ધમાકેદાર શરૂઆત કરી હતી. દુબઈ ઈન્ટરનેશનલ સ્ટેડિયમમાં રવિવારે રમાયેલી મેચમાં ભારતે પોતાના હરીફ પાકિસ્તાનને પાંચ વિકેટે હરાવી નાખ્યું. પાકિસ્તાને ભારતને જીતવા માટે 148 રનનો ટાર્ગેટ આપ્યો હતો, જે તેણે બે બોલ બાકી રહેતા પૂરો કરી દીધો હતો. આ જીત સાથે ભારતે ગયા વર્ષે T20 વર્લ્ડ કપ દરમિયાન મળેલી હારનો બદલો લીધો હતો.
Asia Cup #INDvsPAK | India (148/5 in 19.4 overs) beat Pakistan by 5 wickets; Jadeja 35, Kohli 35
પાકિસ્તાન સામેની મેચમાં ભારતીય ટીમની જીત માટેના અનેક પરિબળો હતા. જ્યાં ફાસ્ટ બોલરોએ શાનદાર બોલિંગ કરી પાકિસ્તાની ટીમની તમામ 10 વિકેટો ઝડપી તેનું 150 રનમાં જ પિલ્લુ વાળી દીધું હતું. આ સાથે જ બેટિંગમાં પણ મિડલ ઓર્ડરના બેટ્સમેનોએ જોરદાર પ્રદર્શન કરીને ભારતીય ટીમને પાર કરી હતી. ત્યારે અહીં જોઇશું કે એવા કયા પાંચ પરિબળો હતા કે જેના કારણે ટીમ ઈન્ડિયાએ પાકિસ્તાન સામેની મેચ જીતી લીધી.
હાર્દિકનો ઓલરાઉન્ડ પંચઃ તમને જણાવી દઇએ કે, ટીમ ઈન્ડિયાની જીતનો હીરો હતો હાર્દિક પંડ્યા. પંડ્યાએ પ્રથમ બોલમાં 25 રન આપીને ત્રણ વિકેટ ઝડપી હતી. હાર્દિકે પ્રથમ મેચની 13મી ઓવરમાં ઈફ્તિખાર અહેમદ (28 રન) ને આઉટ કરી 45 રનની ભાગીદારી તોડી નાખી હતી. ત્યાર બાદ તેની આગામી ઓવરમાં તેણે મોહમ્મદ રિઝવાન (43 રન) અને ખુશદિલ શાહ (2 રન) ને પેવેલિયન પરત મોકલ્યા હતા. ત્યાર બાદ હાર્દિકે બેટિંગમાં શાનદાર પ્રદર્શન કરતા માત્ર 17 બોલમાં 33 રન બનાવ્યા. એ દરમિયાન હાર્દિકે 19મી ઓવરમાં હારિસ રઉફને ત્રણ ચોગ્ગા ફટકાર્યા, જેનાથી ભારત પરનું દબાણ સંપૂર્ણપણે દૂર થઈ ગયું. અંતમાં હાર્દિકે 20મી ઓવરના ચોથા બોલ પર સિક્સર ફટકારીને શાનદાર અંદાજમાં મેચ ફિનિશ કરી દીધી. હાર્દિક પ્લેયર ઑફ ધ મેચ તરીકે પસંદ કરવામાં આવ્યા.
People celebrate across the country as team India beat Pakistan by 5 wickets in #Asiacup2022
ભુવીની મજબૂત બોલિંગઃ ઝડપી બોલર ભુવનેશ્વરકુમાર સંપૂર્ણપણે ભારતીય ચાહકોની અપેક્ષાઓ પર ખરો ઉતર્યો. ભુવીએ 4 ઓવરમાં 26 રન આપી ચાર વિકેટ લીધી હતી. પાકિસ્તાન સામે T20 ઈન્ટરનેશનલમાં ભારતીય બોલરનું આ સર્વશ્રેષ્ઠ બોલિંગ પ્રદર્શન હતું. ભુવનેશ્વર કુમારે મેચની સૌથી પહેલા ત્રીજી ઓવરમાં પાકિસ્તાની કેપ્ટન બાબર આઝમ (10 રન) ને આઉટ કરી પાકિસ્તાનને મોટો ફટકો આપ્યો હતો. બાદમાં ભુવનેશ્વર કુમારે આસિફ અલી (9 રન), શાદાબ ખાન (10 રન) અને નસીમ શાહ (0 રન) ની વિકેટ પણ ઝડપી લીધી હતી.
કોહલીનું ઉપયોગી યોગદાન: વિરાટ કોહલીએ પોતાની સોમી ટી20 ઈન્ટરનેશનલ રમતા 35 રનની ઉપયોગી ઈનિંગ્સ રમી જેમાં ત્રણ ચોગ્ગા અને એક છગ્ગાનો સમાવેશ થાય છે. ભારતે પહેલી જ ઓવરમાં કેએલ રાહુલની વિકેટ ગુમાવી દીધી હતી, જ્યારે કેપ્ટન રોહિત શર્મા સંઘર્ષ કરતો જોવા મળ્યો. આવી સ્થિતિમાં વિરાટ કોહલીએ કેટલાક શાનદાર શોટ રમીને સ્કોર બોર્ડને આગળ વધાર્યું હતું. જોકે, કોહલી કમનસીબ હતો કે તે આ ઇનિંગને મોટા સ્કોરમાં બદલી ન શક્યો. કોહલીને સ્પિન બોલર મોહમ્મદ નવાઝે વોક કર્યો હતો.
WHAT. A. WIN!#TeamIndia clinch a thriller against Pakistan. Win by 5 wickets 👏👏
'સર' જાડેજાનો ધડાકોઃ રોહિત શર્માના આઉટ થયા બાદ લેફ્ટ-રાઈટ કોમ્બિનેશન બનાવવા રવિન્દ્ર જાડેજાને ચોથા નંબર પર બેટિંગ કરવા મોકલવામાં આવ્યો હતો. જાડેજાએ બિલકુલ પણ નિરાશ ન કર્યો અને એક છેડો અંકુશમાં રાખ્યો હતો. 15મી ઓવરમાં 89 રનના સ્કોર પર ભારતની ચોથી વિકેટ પડી ત્યારે મેચ અટકી ગઈ હોય તેવું લાગી રહ્યું હતું. આવી સ્થિતિમાં જાડેજાએ હાર્દિક સાથે 52 રન જોડીને ભારતને મુશ્કેલીમાંથી બહાર કાઢ્યું હતું. 20મી ઓવર પહેલા બોલ પર જાડેજા આઉટ થયો ત્યારે ભારત જીતની નજીક હતું. જાડેજાએ બે ચોગ્ગા અને છ છગ્ગાની મદદથી 35 રન બનાવ્યા હતા.