વિવાદ / ગૃહમંત્રી શાહના નિવેદન બાદ AR રહેમાનની આ પોસ્ટ થઈ વાયરલ, કેટલાકે કર્યા ટ્રોલ-અમુક આવ્યા સમર્થનમાં

• એ. આર. રહેમાનનો અમિત શાહને જવાબ 
• તામિલ બોલવાનું પસંદ કરે છે એ. આર. રહેમાન 
• પોસ્ટ થઇ રહી છે સોશિયલ મીડિયા પર વાયરલ 

એ. આર. રહેમાને આપ્યો અમિત શાહને સોશિયલ મીડિયા દ્વારા જવાબ 

કેન્દ્રીય ગૃહ મંત્રી અમિત શાહે હાલમાં જ દેશમાં હિંદી ભાષા પર ભાર મુકવાની વાત કરી હતી, જ્યાર બાદથી જ હિંદી વિરોધી કેમ્પેન શરુ થઇ ગયા છે. એવું લાગી રહ્યું છે કે આ કેમ્પેનમાં હવે એ. આર. રહેમાન પણ સામેલ થઇ ચુક્યા છે. 

અમિત શાહે કહ્યું હતું કે અલગ અલગ રાજ્યોનાં લોકોએ એકબીજા સાથે હિંદીમાં વાત કરવી જોઈએ. હવે ઓસ્કાર વિનર સંગીત નિર્દેશક એ. આર. રહેમાને એક પોસ્ટ કરી છે. 

pic.twitter.com/W9PDIwHigy

— A.R.Rahman (@arrahman) April 8, 2022

પોસ્ટ થઇ રહી છે સોશિયલ મીડિયા પર વાયરલ 

રહેમાનની આ પોસ્ટમાં મોડર્ન તામિલ પોએટ Bharathidasanની અમુક પંક્તિઓ લખી છે, જેમાં કહેવામાં આવ્યું છે કે તામિલ જ આપણા અસ્તિત્વનું મૂળ છે. આ પોસ્ટ પર લખ્યું છે કે 'તામિઝાનંગુ' એટલે કે Goddess Tamil અને આ સાથે જ મા તામિલની તસવીર પણ તેમણે શેર કરી છે. રહેમાનની આ પોસ્ટને સોશિયલ મીડિયા પર અમિત શાહની વાતનો જવાબ માનવામાં આવી રહ્યો છે. 

તામિલ બોલવાનું પસંદ કરે છે એ. આર. રહેમાન 

રહેમાને આ પોસ્ટ લગભગ 11 વાગ્યે શેર કરી હતી અને અત્યાર સુધીમાં લગભગ 14.6 હજાર રીટ્વીટ પણ થઇ ચુક્યા છે. જણાવી દઈએ કે રહેમાન એ લોકોમાંથી છે જે કોઈપણ ભાષાથી વધારે તામિલમાં વાતચીત કરવાનું પસંદ કરે છે, ઇનફેકટ જ્યારે તેમને સ્લમડૉગ મિલિયેનિયર માટે બે ઓસ્કાર્સ મળ્યા હતા, ત્યારે પણ તેમણે પોતાની સ્પિચ Ellapughazum Iraivanukue કહેવાની સાથે જ પૂરી કરી હતી, જેનો અર્થ છે કે બધી પ્રાર્થના ભગવાન માટે જ છે.