મદદ / બાળકના ઈલાજ માટે 16 કરોડ રૂપિયાના ઈન્જેક્શન જરૂર હતી, તો વિરાટ-અનુષ્કાએ મદદ કરી બચાવ્યો જીવ

• અયાંશ ગુપ્તા નામનાં બાળકને સ્પાઈનલ મસ્ક્યુલર એટ્રોફી નામની ગંભીર બીમારી હતી
• સારવાર માટેના વિરાટ કોહલી અને અનુષ્કાએ કરી મદદ
• અન્ય સેલેબ્સ પણ મદદ માટે આવ્યા આગળ

હકીકતમાં અનુષ્કા શર્મા અને વિરાટ કોહલી સહિત ઘણાં સ્ટાર્સે ભેગાં મળીને એક બાળકનો ઈલાજમાં મોટો સહયોગ કર્યો છે. બાળકને એક દુર્લભ બીમારી હતી અને તેના ઈલાજ માટે દુનિયાની સૌથી મોંઘી દવામાંથી એક દવાની જરૂર હતી. જે અનુષ્કા અને વિરાટે ફંડરાઈઝરની મદદથી પૈસા ભેગાં કર્યા. 

અયાંશ ગુપ્તા નામના બાળકને SPA (સ્પાઈનલ મસ્ક્યુલર એટ્રોફી) જિનેટીક બીમારી હતી. જેના ઈલાજ માટે તેને Zolgensma નામની દવાની જરૂર હતી. આ દવા દુનિયાની સૌથી મોંઘી દવાઓમાંથી એક માનવામાં આવે છે. દવાની કિંમત 16 કરોડ રૂપિયા છે. વિરાટ અને અનુષ્કાએ ફંડરાઈઝરની મદદથી 11 કરોડ રૂપિયાની વ્યવસ્થા કરી અને બાકીના 5 કરોડ રૂપિયાની વ્યવસ્થા અન્ય સ્ટાર્સ ની મદદથી થઈ ગઈ. 

WE DID IT!!!

Never thought that this arduous journey we set on to #saveayaanshgupta would culminate this beautifully. Happy to announce tht we have reachd ₹16 Cr. needed to get #Zolgensma for #Ayaansh. A big thank you to every person who supported us. This is your victory.✌️✌️ pic.twitter.com/n0mVl1BvGv

— AyaanshFightsSMA (@FightsSma) May 23, 2021

વિરૂષ્કાને અયાન્શના પેરેન્ટ્સ કહ્યું થેન્ક્યૂ

બાળકના માતા-પિતાએ વિરૂષ્કાની તસવીર શેર કરતા લખ્યું કે, ફેન તરીકે હંમેશાં અમે તમને પ્રેમ કર્યો છે, પરંતુ તમે અયાંશ માટે જે કર્યું તે અપેક્ષા કરતાં ઘણું વધારે છે. તમારી ઉદારતા માટે આભાર. આ મેચને જીતવામાં તમે સિક્સ મારી અમારી મદદ કરી છે. તમારી આ મદદ માટે હંમશાં અમે ઋણી રહીશું.

આ સેલેબ્સે પણ કરી મદદ

અયાંશને બચાવવા માટે વિરુષ્કા સિવાય સારા અલી ખાન, કાર્તિક આર્યન, અર્જુન કપૂર, દીયા મિર્ઝા, ઈમરાન હાશમી અને રાજકુમાર રાવ સહિતના સેલેબ્સે દાનમાં પોતાનો ભાગ આપ્યો હતો. જેના કારણે અયાંશના પેરેન્ટ્સે તમામ લોકોનો આભાર માન્યો છે. તમને જણાવી દઈએ કે, જે રીતે અનુષ્કા અને વિરાટ લોકોની મદદ કરી રહ્યાં છે તે અદભૂત છે. આ સિવાય સલમાન ખાન, જેકલીન ફર્નાન્ડિઝ, સોનુ સૂદ, અમિતાભ બચ્ચન, અક્ષય કુમાર, અનુપમ ખેર અને પ્રિયંકા ચોપડાનું પણ નામ સામેલ છે.