અંજુ-નસરુલ્લા પ્રેમકહાની / પાકિસ્તાનથી અંજૂનો વધુ એક વીડિયો સામે આવ્યો, નસરૂલ્લાહના મિત્રો સાથે ડિનર કરતી દેખાઇ, જુઓ Video

• સીમા હૈદર બાદ હવે ભારતથી પાકિસ્તાન ગયેલી અંજુ ચર્ચામાં
• સોશિયલ મીડિયા પર અંજુનો એક વીડિયો સામે આવ્યો 
• બોયફ્રેન્ડ નસરુલ્લાહ અને મિત્રો સાથે ડિનર કરતી જોવા મળી અંજુ
• પાકિસ્તાની મીડિયાના અહેવાલ મુજબ અંજુએ નસરુલ્લા સાથે લગ્ન કર્યા
• અંજુ અને નસરુલ્લાએ નિકાહની વાતને ખોટી કહી  

ભારતથી પાકિસ્તાન ગયેલી અંજુ આ દિવસોમાં ચર્ચામાં છે. આ દરમિયાન સોશિયલ મીડિયા પર અંજુનો એક વીડિયો સામે આવ્યો છે જેમાં તે તેના બોયફ્રેન્ડ નસરુલ્લાહ અને તેના કેટલાક મિત્રો સાથે ડિનર કરતી જોવા મળી રહી છે. આ વાયરલ વીડિયોમાં અંજુ, નસરુલ્લા અને તેની મિત્ર અને બ્લોગર નોમી ખાન સિવાય અન્ય ઘણા લોકો પણ એક જ ટેબલ પર જમતા જોવા મળે છે. આ વીડિયો પાકિસ્તાની ચેનલના પત્રકાર દિલીપ કુમાર ખત્રીએ શેર કર્યો છે.

શું છે સમગ્ર મામલો ? 
વાત જાણે એમ છે છે ભારતની અંજુની સુરક્ષા માટે એક પોલીસ ટીમ તેના ફેસબુક ફ્રેન્ડ નસરુલ્લાને મળવા રાજસ્થાનના અલવરથી પાકિસ્તાન ગઈ હતી. પાકિસ્તાનના ખૈબર પખ્તુનખ્વા રાજ્યના અપર ડીર જિલ્લાના એસપીએ કહ્યું હતું કે, અંજુ ભારતથી આવ્યા બાદ તેની પૂછપરછ કરવામાં આવી છે. નસરુલ્લાને 21 ઓગસ્ટ પહેલા અંજુને ભારત મોકલવા પર રોક લગાવવામાં આવી છે. જણાવી દઈએ કે, અંજુ તેના ફેસબુક ફ્રેન્ડ નસરુલ્લાહને મળવા તેના પતિ અને બે બાળકોને છોડી પાકિસ્તાન પહોંચી છે. અંજુએ પાકિસ્તાન જવાનો ગુપ્ત પ્લાન બનાવ્યો હતો.

کیا پشتون گھروں میں یے رواج بھی ہے کہ تمام دوستوں کے سامنے اپنی بیوی کو پیش کرکے ٹک ٹاک بناکر ویوز بھٹورے جائیں یے سب مایا جلدی مشہور ہونے کی ہے کیا سیما کسی مردوں کے ھجوم میں تھی؟ نصراللہ کو کون استعمال کررہا ہے؟#Nasrullah #Anju #AnjuNasrullahLoveStory #Anjuinpakistan pic.twitter.com/8KaOY8fEi0

— Dileep kumar khatri🦚 (@DileepKumarPak) July 26, 2023

DIGએ અંજુ અને નસરુલ્લાના લગ્નની માહિતી આપી 
મહત્વનું છે કે, અંજુએ તેના પતિને પાકિસ્તાન જવાની જાણ પણ થવા દીધી ન હતી. હાલમાં જ અંજુનો એક સીસીટીવી ફૂટેજ પણ સામે આવ્યો છે, જેમાં તે પોતાની સોસાયટીમાંથી બેગ લઈને બહાર જતી જોવા મળી રહી છે. બીજી તરફ પાકિસ્તાની મીડિયાના અહેવાલ મુજબ અંજુએ નસરુલ્લા સાથે લગ્ન કર્યા છે. તેમના નિકાહનામાની તસવીરો પણ સામે આવી છે. માલકુંડ ડિવિઝનના DIG નાસિર મહમૂદ દસ્તીએ ખુદ આ વાતની પુષ્ટિ કરી છે.

અંજુ અને નસરુલ્લાએ નિકાહની વાતને ખોટી કહી  
આ તરફ અંજુ અને નસરુલ્લાએ નિકાહની વાતને ખોટી કહી છે. બંને કહે છે કે અમે લગ્ન નથી કર્યા. એક ન્યૂઝના અહેવાલ મુજબ DIG નાસિર મહમૂદ દસ્તીએ જણાવ્યું કે, અંજુએ પોતાનો ધર્મ બદલી નાખ્યો છે, ત્યારબાદ અંજુએ પોતાનું ઈસ્લામિક નામ ફાતિમા રાખ્યું છે. DIGના જણાવ્યા અનુસાર અંજુ અને નસરુલ્લાએ 25 જુલાઈના રોજ જિલ્લા કોર્ટમાં લગ્ન કર્યા હતા.