છેતરપીંડી / મન જ મેલુ.! મહાઠગ કિરણ પટેલનું વધુ એક કારસ્તાન, 80 લાખ લઈ જમીનના દસ્તાવેજમાં ઉંચા હાથ કર્યા

• મહાઠગ કિરણ પટેલના વધુ એક કારસ્તાનનો ખુલાસો
• જમીન વેચાણ મામલે ક્રાઇમબ્રાંચમાં વધુ એક ફરિયાદ
• કિરણે જમીન વેચાણ કર્યા બાદ ન બનાવ્યો દસ્તાવેજ

મહાઠગ કિરણ પટેલનાં વધુ એક કારસ્તાનનો ખુલાસો થવા પામ્યો છે. જમીન વેચાણ મામલે ક્રાઈમબ્રાંચમાં વધુ એક ફરિયાદ નોંધાવવા પામી છે. કિરણ પટેલે નારોલમાં જમીન વેચાણ કરીને પડાવ્યા 80 લાખ રૂપિયા. કિરણે જમીન વેચાણ કર્યા બાદ ન બનાવ્યો દસ્તાવેજ. વર્ષ 2017 માં જમીન વેચાણ કર્યા બાદ દસ્તાવેજ ન કર્યો. ત્યારે ફરિયાદીને કિરણ પટેલે શરૂઆતમાં તમાકુનાં વેપારી તરીકે ઓળખ આપી હતી. પાછળથી ફરિયાદીને PMO ના અધિકારી તરીકેની ઓળખ આપી હતી. 
G 20  સમિટનાં બેનર હેઠળ હોટલ હયાતમાં ઈવેન્ટ યોજી હતી
થોડા સમય પહેલા મહાઠગ કિરણ પટેલ વિરૂદ્ધ વધુ એક ફરિયાદમાં ક્રાઈમ બ્રાન્ચે કસ્ટડી મેળવી છે.  જેમાં G 20  સમિટનાં બેનર હેઠળ હોટલ હયાતમાં ઈવેન્ટ યોજી હતી. જેમાં ઈવેન્ટનું ભાડું, ફ્લાઈટની ટિકિટ મળી કુલ રૂા. 3.51 લાખની છેંતરપિંડી કરી હતી. જે છેંતરપીંડીના કેસમાં ક્રાઈમ બ્રાન્ચે કિરણ પટેલની કસ્ટડી મેળવી હતી. જેમાં અમદાવાદ ક્રાઈમ બ્રાન્ચે કિરણ પટેલનાં 7 દિવસનાં રિમાન્ડની માંગણી કરી હતી. ત્યારે કિરણ પટેલ સામે થયેલી ફરિયાદ ખોટી હોવાની બચાવ પક્ષ દ્વારા રજૂઆત કરવામાં આવી હતી. જેમાં ફરિયાદીનાં આક્ષોપો પાયા વિહોણા હોવાની રજૂઆત કરવામાં આવી હતી.

કિરણ પટેલનાં ઘરેથી ક્રાઈમ બ્રાન્ચને બેગ ભરીને દસ્તાવેજ મળ્યા હતા
થોડા દિવસ અગાઉ મહાઠગ કિરણ પટેલના અમદાવાદના ઘરે ક્રાઈમ બ્રાંચ દ્વારા તપાસ હાથ ધરી હતી. ત્યારે  ક્રાઈમ બ્રાન્ચે 2 કલાકની તપાસમાં એક બેગ ભરીને દસ્તાવેજ કબજે કર્યા છે. તેમજ કિરણ પટેલના બેંક એકાઉન્ટની પાસબુક અને ચેક પણ મળ્યા છે.  કિરણ પટેલના નામની એક્સિસ બેકની ચેકબુક મળી છે.  HDFC, બેંક ઓફ અલ્હાબાદ, BOIમાં કિરણ પટેલ એકાઉન્ટ ધરાવે છે. બંગલો પચાવી પાડવાનો હતો, તે મકાનની ચાવીઓ પણ મળી આવી છે. મકાનમાં કિરણ પટેલે કરેલી વાસ્તુ પૂજાની પત્રિકા પણ મળી છે. કિરણ પટેલે બંગલો રિનોવેશન કરવા બનાવ્યો હતો. કિરણ પટેલના બેંક એકાઉન્ટમાંથી અનેક ખુલાસા થઈ શકે છે.