મનોરંજન / શું પ્રેગ્નન્ટ છે અંકિતા લોખંડે? ઘરમાં ગૂંજશે કિલકારીઓ! વિક્કી જૈને તોડ્યું મૌન

ટેલિવિઝન દુનિયાના લોકપ્રિય કપલ્સમાં ગણાતી અંકિતા લોખંડે અને વિક્કી જૈન વારંવાર તેમના સંબંધો અને મસ્તીભર્યા મોમેન્ટ્સ માટે ચર્ચામાં રહે છે. હાલ તેમના નવા વ્લોગે ફરી એકવાર સોશિયલ મીડિયા પર ગરમાગરમ ચર્ચા જગાવી દીધી છે, કારણ છે અંકિતાની ગર્ભાવસ્થા અંગે ચાલી રહેલી અફવાઓ.

લાફ્ટર શેફ્સ 2માં શરુ થઈ ચર્ચા
તાજેતરમાં લાફ્ટર શેફ્સ 2માં અંકિતાએ કૃષ્ણા સાથે મજાકમાં કહ્યું કે "હું ગર્ભવતી છું એટલે ભાગી નથી શકતી", જેના કારણે ચાહકોમાં તેમની પ્રેગ્નન્સી અંગે ઘણી ચર્ચાઓ શરૂ થઈ ગઈ.

વ્લોગમાં સ્પસ્ટતા

વિકી અને અંકિતા લોખંડેએ યુટ્યુબ ચેનલ પર તેમના પરિવાર અને અંગત જીવન વિશે ચાહકોના પ્રશ્નોના જવાબ આપ્યા. આ સાથે, અંકિતાએ તેની ગર્ભાવસ્થાની અફવાઓ પર પણ પ્રતિક્રિયા આપી હતી. ઉપરાંત, તેણે સ્પષ્ટ કર્યું છે કે જ્યારે તે પ્રેગ્નેન્ટ થશે, ત્યારે તે બધાને કહેશે.

તાજેતરના વ્લોગમાં, અંકિતા લોખંડે અને વિકી જૈને ગર્ભાવસ્થાની અફવાઓ વિશે વાત કરી હતી. જેમાં વિકીએ મજાકમાં કહ્યું, "ઘણા સમયથી ચર્ચા ચાલી રહી છે, ગર્ભાવસ્થા ક્યારે થશે, આ પ્રશ્ન હોવો જ જોઈએ. આ પ્રશ્ન કરવામાં આખો પરિવાર સામેલ છે, વાતો ચાલી રહી છે." જ્યારે અંકિતાએ હસીને કહ્યું,'હું આવા પ્રશ્નોથી કંટાળી ગઈ છું. જ્યારે આવું થશે, ત્યારે તમને ખબર પડશે મિત્રો. હું આનો જવાબ નહીં આપીશ કારણ કે હું ગર્ભવતી નથી.' આ જવાબ સાથે, અભિનેત્રી અંકિતાએ લાંબા સમયથી ચાલી રહેલી ગર્ભાવસ્થાની અફવાઓનો અંત લાવી દીધો હતો.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ