ગુસ્સે ભરાયેલા રણબીર કપૂરે ફેંકી દીધો યુવકનો ફોન, લોકોએ પણ બરાબરનો ટ્રોલ કર્યો.
રણબીર કપૂરનો ગુસ્સો સાતમા આસમાને
ફેનનો ફોન ગુસ્સામાં ફેંકી દીધો
લોકોએ અભિનેતાને કર્યો ટ્રોલ
ભારતમાં ક્રિકેટર્સ અને બોલિવૂડમાં મોટા મોટા સેલિબ્રિટિઝ છે અને તેમના એવા એવા ચાહકો છે જે એક ઝલક માટે કઈ પણ કરી શકતા હોય છે. જોકે આટલી લોકચાહના સામે સ્ટાર્સ ઘણીવાર એવો વ્યવહાર કરતાં હોય છે જે સાંખી લેવાય નહીં. રણબીર કપૂર આવા જ એક વીડિયોને લઈને ચર્ચામાં આવ્યા છે.
શું છે સમગ્ર ઘટના?
બોલિવૂડ અભિનેતા રણબીર કપૂરની સાથે એક ફેન સેલ્ફી લઈ રહ્યો હતો અને પણ ફોનમાં ખરાબી થતાં તેને વાર લાગે છે અને બેથી ત્રણ વાર પ્રયાસ કરે છે. પહેલા તો રણબીરે ફોટો માટે પોઝ કર્યો પણ બાદમાં ગુસ્સામાં આવી ફેનનો ફોન લીધો અને પાછળ ફેંકી દીધો. આ વીડિયો હાલ તો સોશ્યલ મીડિયામાં ખૂબ વાયરલ થઈ રહ્યો છે અને લોકો ગુસ્સો વ્યક્ત કરી રહ્યા છે. લોકો કહી રહ્યા છે કે એક સ્ટાર થઈને આટલો ઘમંડ સારો નથી.
રણબીર કપૂરના વીડિયોના કારને ટ્વિટરમાં પણ હેશટેગ ટ્રેન્ડ થઈ રહ્યું છે. આ વીડિયોને લઈને અનેક મીમ પણ બનાવીને શેર કરવામાં આવી રહ્યા છે. જે તે વીડિયોની કોમેન્ટમાં પણ ઘણા લોકો પોતાનો રોષ વ્યક્ત કરી રહ્યા છે.
નોંધનીય છે કે રણબીર કપૂરે છેલ્લે બ્રહ્માસ્ત્ર ફિલ્મ કરી હતી, જેમાં આલિયા ભટ્ટ અભિનેત્રી હતી.