પ.બંગાળ / 'શું-શું બન્યું 3 દિવસમાં રિપોર્ટ આપો' બંગાળ હિંસા પર અમિત શાહની ઝડપી કાર્યવાહી, મમતા સરકારને કર્યો ઓર્ડર

• પ.બંગાળ ભાજપનાં અધ્યક્ષે ગૃહમંત્રીને લખ્યો પત્ર
• કહ્યું રાજ્યમાં હિન્દુઓને ટાર્ગેટ કરવામાં આવી રહ્યાં છે
• અમિત શાહે મમતા સરકાર પાસે તાત્કાલિક માંગ્યો રિપોર્ટ

પશ્ચિમ બંગાળમાં થયેલી હિંસાને લઈને કેન્દ્ર સરકારે લાલ આંખ કરી છે. ગૃહમંત્રી અમિત શાહે મંગળવારે રામનવમી પર થયેલા હોબાળા અને ખરાબ કાયદા વ્યવસ્થા પર મમતા સરકાર પાસે રિપોર્ટ માંગી છે. ગૃહમંત્રાલયે પશ્ચિમ બંગાળનાં ચીફ સેક્રેટરીથી 3 દિવસોની અંદર સંપૂર્ણ ઘટના પર રિપોર્ટ મોકલવાનું કહ્યું છે. બંગાળ ભાજપ અધ્યક્ષ સુકાંત મજૂમદારે ગૃહમંત્રી અમિત શાહને પત્ર લખ્યો હતો. જેમાં તેમણે કહ્યું કે હિન્દૂઓને સતત બંગાળમાં ટાર્ગેટ કરવામાં આવી રહ્યું છે.

અમિત શાહે માંગ્યો છે રિપોર્ટ
આ ચિઠ્ઠી બાદ ગૃહમંત્રાલયે આ રિપોર્ટ માંગ્યો છે.મમતા સરકાર પાસે ગૃહમંત્રીએ 3 દિવસની અંદર આ રિપોર્ટ જમા કરવાનો આદેશ આપ્યો છે. આ પહેલા ગુરુવારે હાવડામાં રામનવમીની રથયાત્રા દરમિયાન 2 સમૂહોની વચ્ચે અથડામણ થઈ હતી જે બાદ ગૃહમંત્રી અમિત શાહે બંગાળનાં રાજ્યપાલ સીવી આનંદ બોઝ અને રાજ્ય ભાજપ પ્રમુખ સુકાંત મજૂમદારથી વાતચીત કરી અને રાજ્યમાં કાયદા વ્યવસ્થાની સ્થિતિનું આંકલન કર્યું હતું.

હાવડામાં હિંસાનો માહોલ
પશ્ચિમ બંગાળના હાવડામાં રામ નવમીથી તણાવ જોવા મળ્યો હતો. રામનવમીના દિવસે આગચંપી થયાના એક દિવસ બાદ શુક્રવારે ફરી હિંસા ફાટી નીકળી હતી. જિલ્લાના કાજીપરા વિસ્તારમાં ગુરુવારે થયેલી હિંસાથી રાજકારણ પણ ગરમાયું છે. હાવડામાં ભારે પોલીસ બંદોબસ્ત ગોઠવી દેવામાં આવ્યો. હાવડાના શિબપુર વિસ્તારમાં પણ કડક તકેદારી રાખવામાં આવી છે. 

West Bengal BJP chief Sukanta Majumdar writes to Union HM Amit Shah over the law and order situation in the state, alleging that the Police is "harassing and arresting Hindus while looking a blind eye to the actual culprits and criminals from the minority community..."

He urges… pic.twitter.com/LfRodCstJh

— ANI (@ANI) April 4, 2023

સુકાંત મજૂમદારએ પત્રમાં લખી આ વાત
સુકાંત મજૂમદારે પોતાના પત્રમાં લખ્યું કે હુગલી જિલ્લામાં ભાજપની શોભાયાત્રામાં હોબાળો કરવામાં આવ્યો. પછી રેલ્વે સ્ટેશનો પર ભારે પથ્થરમારો કરવામાં આવ્યો જેના બાદ ટ્રેન સેવાઓને બંધ કરવામાં આવી હતી. અને પશ્ચિમ બંગાળની સત્તાધારી પાર્ટીઓ એટલે કે TMC અને તેમના સમર્થન વગર આ શક્ય નહોતું. ભાજપ અધ્યક્ષ અને લોકસભા સાંસદ સુકાંત મજૂમદારનાં નેતૃત્વમાં ભાજપનાં એક પ્રતિનિધિમંડળને મંગળવારે રાજ્યમાં હિંસાની હાલની ઘટનાઓને લઈને રાજ્યપાલ સીવી આનંદ બોઝ સાથે પણ મુલાકાત કરી હતી.