બ્રેકિંગ ન્યુઝ
બ્રેકિંગ ન્યુઝ
VTV / ગુજરાત / અમદાવાદના સમાચાર / ગુજરાતમાં ફરી વરસાદી સિસ્ટમ સક્રિય: અંબાલાલ પટેલની મોટી આગાહી, ઉત્તર ગુજરાતમાં ભારે વરસાદથી પૂરનો ખતરો
8 ફોટો ગેલેરી
Last Updated: 11:37 AM, 24 July 2026
FOLLOW ON
શેર કરો
1/8
ગુજરાતમાં હાલ વરસાદી માહોલ વચ્ચે હવામાન નિષ્ણાત અંબાલાલ પટેલે રાજ્યમાં આગામી દિવસોના વરસાદને લઈને આગાહી કરી છે. તેમના અનુમાન મુજબ આજે ગુજરાતના મોટાભાગના વિસ્તારોમાં વરસાદ પડી શકે છે. ખાસ કરીને ઉત્તર ગુજરાત અને દક્ષિણ ગુજરાતના કેટલાક વિસ્તારોમાં વરસાદનું જોર વધુ રહેવાની શક્યતા છે. ઉત્તર ગુજરાતના કેટલાક ભાગોમાં ભારે થી અતિભારે વરસાદની શક્યતા હોવાથી નદીઓમાં પૂર જેવી સ્થિતિ પણ બની શકે છે.
આ તસવીર શેર કરો
2/8
અંબાલાલ પટેલના જણાવ્યા મુજબ, આજે રાજ્યમાં વરસાદી સિસ્ટમ સક્રિય રહેશે. જોકે, આવતીકાલથી વરસાદી સિસ્ટમ ધીમે ધીમે નબળી પડવાની શક્યતા છે. ઉત્તર અને મધ્ય ગુજરાતમાં 26થી 27 જુલાઈ સુધી વરસાદી માહોલ યથાવત રહેવાની આગાહી કરવામાં આવી છે.
આ તસવીર શેર કરો
3/8
ઉત્તર ગુજરાતના કેટલાક વિસ્તારોમાં આજે ભારે થી અતિભારે વરસાદ પડી શકે છે. ખાસ કરીને અરવલ્લી અને સાબરકાંઠામાં વરસાદની શક્યતા વધુ હોવાનું અંબાલાલ પટેલે જણાવ્યું છે. ભારે વરસાદના કારણે ઉત્તર ગુજરાતની કેટલીક નદીઓમાં પૂર જેવી સ્થિતિ સર્જાઈ શકે છે. અમદાવાદ અને ગાંધીનગરમાં પણ હળવાથી ભારે વરસાદની શક્યતા છે. મધ્ય ગુજરાતના વિસ્તારોમાં પણ વરસાદી માહોલ રહેવાની સંભાવના છે.
આ તસવીર શેર કરો
4/8
દક્ષિણ ગુજરાતના કેટલાક વિસ્તારોમાં આજે ભારે વરસાદ થવાની શક્યતા છે. વરસાદનું જોર વધે તો નીચાણવાળા વિસ્તારોમાં પાણી ભરાવાની સ્થિતિ સર્જાઈ શકે છે. જોકે, આવતીકાલથી રાજ્યમાં વરસાદી સિસ્ટમ હળવી થવાની આગાહી છે.
આ તસવીર શેર કરો
5/8
અંબાલાલ પટેલે કચ્છના હવામાનને લઈને પણ મહત્વની આગાહી કરી છે. કચ્છના કેટલાક વિસ્તારોમાં હળવાથી ભારે વરસાદ પડી શકે છે. વરસાદના કારણે કચ્છમાં સર્જાયેલી દુષ્કાળ જેવી સ્થિતિમાં રાહત મળવાની શક્યતા છે.
આ તસવીર શેર કરો
6/8
સૌરાષ્ટ્રના રાજકોટ જિલ્લામાં કેટલાક વિસ્તારોમાં વાવણીલાયક વરસાદ પડી શકે છે. જામનગરમાં હળવાથી ભારે વરસાદ થવાની શક્યતા છે. દ્વારકા અને પોરબંદરના કેટલાક વિસ્તારોમાં પણ હળવાથી ભારે વરસાદ પડી શકે છે. સુરેન્દ્રનગર, હળવદ અને ધ્રાંગધ્રા વિસ્તારમાં પણ વરસાદની શક્યતા વ્યક્ત કરવામાં આવી છે.
આ તસવીર શેર કરો
7/8
મધ્ય પ્રદેશમાં ભારે વરસાદના કારણે નર્મદા નદીમાં પાણીની આવક વધવાની શક્યતા છે. જેના કારણે નર્મદા બંધના જળસ્તરમાં પણ વધારો થઈ શકે છે.
આ તસવીર શેર કરો
8/8
અંબાલાલ પટેલે ખેડૂતોને વરસાદ બાદ વરાપ થાય ત્યારે જ કૃષિ કાર્યો કરવાની સલાહ આપી છે. હાલ પડી રહેલો વરસાદ ખેતી માટે ફાયદાકારક હોવાનું પણ તેમણે જણાવ્યું છે. ખેડૂતોને જમીનમાં પૂરતો ભેજ રહે તે બાદ હવામાન અને જમીનની સ્થિતિને ધ્યાનમાં રાખીને ખેતીના કામો કરવા સલાહ આપવામાં આવી છે. હાલની આગાહી મુજબ આજે ગુજરાતના અનેક વિસ્તારોમાં વરસાદનું જોર જોવા મળી શકે છે. ખાસ કરીને ઉત્તર ગુજરાતમાં ભારે થી અતિભારે વરસાદની શક્યતા અને નદીઓમાં પૂર જેવી સ્થિતિની સંભાવનાને કારણે તંત્ર અને સ્થાનિકોએ સાવચેતી રાખવી પડશે.
આ તસવીર શેર કરો
સંકળાયેલા મુદ્દાઓ
સબસ્ક્રાઇબ કરો
દરરોજ નવા સમાચાર મેળવવા માટે VTVGujaratiને સબસ્ક્રાઈબ કરો.
જોવા જેવું
5 ફોટોઝ
Mangal Gochar 2026 / આજથી મંગળ બદલશે ચાલ! આ 4 રાશિઓ માટે શરૂ થશે ગોલ્ડન પીરિયડ, મળશે બમ્પર લાભ
ટોપ સ્ટોરીઝ
