IMPACT / કોરોના નેગેટિવ દર્દીને 1.96 લાખનું બિલ પકડાવી દેનારી એપોલો હોસ્પિટલે VTVના અહેવાલ બાદ સ્વીકારી ભૂલ

• અમદાવાદની અપોલો હોસ્પિટલે સ્વીકારી ભૂલ
• VTV Newsના અહેવાલ બાદ સ્વીકારી ભૂલ
• દર્દીના બિલમાં ભૂલ થયાનું સ્વીકાર્યુ 

અમદાવાદની એપોલો હોસ્પિટલ દ્વારા કરવામાં આવેલ આ ભૂલ અંગે અમારા VTV Newsએ એક અહેવાલ રજૂ કર્યો હતો. જેમાં દર્દીનો વીડિયો ચલાવવામાં આવ્યો હતો સાથે VTVGujarati.com પર પણ અહેવાલ રજૂ કર્યો હતો. તો આ દરમિયાન હોસ્પિટલના DGM સંદિપ જોશી સાથે વાત કરવામાં આવી હતી. આ વાતચીત દરમિયાન હોસ્પિટલે પોતાનો બચાવ કર્યો હતો. જોકે હવે VTV Newsના અહેવાલ બાદ એપોલો હોસ્પિટલને ભૂલ સ્વીકારી હતી. બાદમાં ભૂલ સુધારી પણ હતી. હોસ્પિટલ દ્વારા દર્દીને કેશલેસ સારવાર પણ પુરી પાડવામાં આવી હતી અને તેને ડિસ્ચાર્જ પણ આપ્યું હતું. આ અંગે દર્દીએ VTV Newsનો આભાર માન્યો હતો.

દર્દીઓ Video Viral કરીને શું કહ્યું હતું?

અમદાવાદના યુવકને કોરોનાનો નેગેટિવ રિપોર્ટ હોવા છતાં એપોલો હોસ્પિટલે કોવિડ વોર્ડમાં એડ્મીટ કર્યો હતો. ત્યાર આ મામલે દર્દીએ જાતે સોશિયલ મીડિયા પર વીડિયો વાયરલ કર્યો હતો. જેમાં તેમણે જણાવ્યું હતું કે, હોસ્પિટલે ખોટી સારવાર કરીને મને 1.96 લાખનું બિલ પકડાવ્યું છે. તે પણ માત્ર પાંચ જ દિવસનું 1.96 લાખનું બિલ આપવામાં આવ્યું છે. તો બીજી તરફ હોસ્પિટલ દ્વારા કોરોના ન હોવા છતાં કેશલેસ સારવાર આપવાનો ઇનકાર કરવામાં આવ્યો છે.

માનવતા ભૂલી ગઈ અમદાવાદની એપોલો હોસ્પિટલ : દર્દીને કોરોના ન હોવા છતાં તેને કોવિડ વોર્ડમાં રાખ્યો અને ખોટી સારવાર કરી દર્દીને પકડાવ્યું 1.96 લાખનું બિલ@GujHFWDept @AhmedabadApollo @HospitalsApollo @CMOGuj @Nitinbhai_Patel @vijayrupanibjp #Ahmedabad @Mukeshias pic.twitter.com/POQRjVLT2D

— VTV Gujarati News and Beyond (@VtvGujarati) September 10, 2020