મહામંથન / ચૂંટણીના પડઘમ વાગી ચૂક્યાં, ત્યારે કેવો છે પાટણની જનતાનો મિજાજ? જોઇએ મહામંથનમાં

પાટણમાં કોંગ્રેસ ચંદનજી ઠાકોરને મેદાનમાં ઉતાર્યા છે.. ચંદનજી ઠાકોરને જીતનો વિશ્વાસ છે, તેમનું કહેવું છે કે હું સ્થાનિક ઉમેદવાર છું, જમીન સાથે જોડાયેલો છું, હું સદારામ બાપાનો પરમભક્ત છું અને  હું સર્વ સમાજના લોકો સાથે હળીમળીને રહું છું, તેમણે કહ્યું કે પાઘડી એ પરંપરાનું પ્રતિક છે. પાઘડી નીચે ઉતારીએ તેનાથી સમાજ ઉત્સાહિત બને છે.પાઘડી ઉતારવી એ મારા માટે સંસ્કારની વાત છે..

ચંદનજીએ કહ્યુ ધરોઇ ડેમનું પાણી ઉત્તર ગુજરાતને મળતું નથી 

તેમણે કહ્યું કે ધરોઈ ડેમનું પાણી ઉત્તર ગુજરાતને મળતું નથી. સરસ્વતી બેરેજમાં પાણી ભરવામાં આવતું નથી. સાંતલપુર, વારાહીમાં પાણીની સમસ્યા યથાવત છે.
પાટણ માટે કોઈ MoU થયા નથી. રાણીની વાવ હેરિટેજ સાઈટ છે પણ પરિસ્થિતિ સારી નથી ટ્રેનનું સ્ટોપેજ પણ સિદ્ધપુરને નહતું મળતું. મારી આગવી ઓળખ છે અને લોકો મને ચાહે છે. અ
 

ભરતસિંહ ડાભીએ કહ્યું પાટણમાં વિકાસના અનેક કાર્યો કર્યા છે 

બીજી તરફ પાટણ બેઠક પર ભાજપે ભરતસિંહ ડાભીને ટીકીટ આપી છે.. તેઓ પોતાની જીતનો દાવો કરતા કહે છે કે  પાટણમાં વિકાસના અનેક કાર્યો કર્યા છે, ઉત્તર ગુજરાતમાં તારંગા રેલવે લાઈનનો પ્રશ્ન પડતર હતો, અમારી રજૂઆતના પગલે સરકારે 3 હજાર કરોડની ફાળવણી કરી.ઉત્તર ગુજરાતના તળાવો ભરવાનું કામ કરવામાં આવ્યું. સુજલામ સુફલામ યોજના અંતર્ગત ઉત્તર ગુજરાતમાં પાણી આવ્યું. જગદીશ ઠાકોરની સામે હું નવો હતો છતા સારી લીડથી જીત્યો હતો. ચંદનજી ઠાકોર વિધાનસભા ચૂંટણી પણ હારી ગયા હતા. તેમણે કહ્યું કે ગુજરાતમાં ભાજપનો 26 લોકસભા બેઠક ઉપર વિજય નિશ્ચિત છે.આગળ પણ હું લોકોના પ્રશ્નો મુદ્દે કામ કરતો રહીશ

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો