ગુસ્સો / 'તારા લીધે મૅચ હાર્યા...' પાકિસ્તાનની જીત બાદ ટીમ ઇન્ડિયા પર બરાબરનો ભડક્યો કોહલી

• ભારતની પાકિસ્તાન વિરુદ્ધ શરમજનક હાર
• વિરાટ ભારતીય ટીમ પર ભડક્યો
• કોહલીએ આપ્યું હારનું કારણ

પાકિસ્તાનની જીત બાદ નાખુશ કોહલી
ભારતીય કેપ્ટન વિરાટે કહ્યું કે, ભારતીય ટીમ બીજા 20-25 રન ન બનાવી શકી. અમને ખબર છે કે ક્યારે મૅચ પલટાઇ ગઇ હતી અને ક્યાં અમે કાચા પડ્યા. ભારતે પહેલા 13 બોલમાં રોહીત શર્મા અને KL રાહુલની વિકેટ ગુમાવી દીધી હતી. બાદમાં વાપસી કરવી આસાન વાત નહોતી. 

 

કોહલીએ હારનું કારણ કહ્યું
વિરાટે કહ્યું કે પહેલી 6 ઓવરમાં પાકિસ્તાને શાનદાર બોલિંગ કરી અને જેના કારણે અમે વધારે રન ન બનાવી શક્યા. 7 વિકેટ પર માત્ર 151 રન જ બનાવી શકી અને પાકિસ્તાનના કેપ્ટન બાબર આઝમ અને મોહમ્મદ રિઝવાને એકલા હાથે જ આ સ્કોર અચીવ કરી લીઝો હતો. પાકિસ્તાનની એક પણ વિકેટ ગઇ નહોતી. 

હારનું સૌથી મોટું કારણ
ભારતીય કેપ્ટન વિરાટ કોહલીએ કહ્યું કે, પાકિસ્તાની બોલર શાહીન આફ્રીદીના કારણે 2 વિકેટ ગુમાવી અને જેથી ભારતીય ટીમ દબાવમાં આવી ગઇ હતી. બસ આ જ કારણ છે કે બીજા 20-25 રન ન બનાવી શકી અને ટીમને હારનો સામનો કરવો પડ્યો હતો. ભારતની આ હાર શરમજનક હતી. 

પાકિસ્તાને રચ્યો ઇતિહાસ 

કેપ્ટન કોહલી ભારતીય ક્રિકેટનો પહેલો એવો કેપ્ટન છે જેના નેતૃત્વમાં પાકિસ્તાને ભારતને પ્રથમ વખત વર્લ્ડ કપમાં હરાવ્યું છે. દેશના ક્રિકેટના ઇતિહાસમાં, 24 ઓક્ટોબર 2021 પહેલા વર્લ્ડકપમાં કોઈ પણ કેપ્ટન પાકિસ્તાન સામે હાર્યો ન હતો. ICC T20 વર્લ્ડ કપ-2021ના સુપર-12 તબક્કાની પ્રથમ મેચમાં ભારતને આ હાર મળી હતી.

દુબઈ ઈન્ટરનેશનલ સ્ટેડિયમમાં રમાયેલી મેચમાં બાબર આઝમની કેપ્ટનશીપમાં પાકિસ્તાને ભારતને 10 વિકેટે હરાવી ઈતિહાસ રચ્યો હતો. આ મેચ પહેલા ભારત અને પાકિસ્તાનની ટીમ વનડે અને ટી 20 વર્લ્ડ કપમાં કુલ 12 વખત સામસામે આવી હતી પરંતુ પાકિસ્તાન જીતી શક્યું ન હતું. T20 વર્લ્ડ કપમાં હવે પાકિસ્તાને પોતાનું ખાતું ખોલ્યું છે. આ હાર ચોક્કસપણે ટીમ ઇન્ડિયાને ડંખશે.