ક્રિકેટ / વિશ્વના સૌથી ધનિક ક્રિકેટ બોર્ડ BCCIથી લઈને ટીમ ઈન્ડિયા પર થશે પૈસાનો વરસાદ, જાણો કારણ

• ભારતીય ટીમને નવો કિટ સ્પોન્સર મળશે!
• બીસીસીઆઈ પર હવે વરસશે પૈસા
• ભારતીય ટીમ સાથે થોડા સમયમાં આ કંપની જોડાશે

બીસીસીઆઈ પર હવે પૈસાનો વરસાદ થશે 

વિશ્વનુ સૌથી અમીર ક્રિકેટ બોર્ડ બીસીસીઆઈ પર હવે પૈસાનો વરસાદ થવાનો છે. ભારતીય ટીમની સાથે થોડા સમયમાં જર્મન સ્પોર્ટિંગ ગુડ્સ કંપની એડિડાસ જોડાવાની છે. રિપોર્ટ્સ મુજબ બીસીસીઆઈ અને એડિડાસની વચ્ચે કરાર થઇ ગયો છે, જે હેઠળ આ જર્મન કંપની પાંચ વર્ષનો કરાર કરશે. આ કરાર હેઠળ ભારતીય ટીમને 350 કરોડ રૂપિયા મળશે. 

MPLએ અચાનક BCCI પાસેથી કરાર અધવચ્ચે તોડી નાખ્યો

ભારતીય ટીમ જે પણ મેચમાં રમશે તેમાં એડિડાસ કંપની 65 લાખ રૂપિયા આપશે. આ કરાર પાંચ વર્ષનો હશે અને દર વર્ષે બીસીસીઆઈને 70 કરોડ રૂપિયા મળશે. ઉલ્લેખનીય છે કે હાલમાં MPLએ અચાનક બીસીસીઆઈ પાસેથી કરાર અધવચ્ચે તોડી નાખ્યો હતો. ત્યારબાદ કિલર જીન્સે થોડા સમય માટે ભારતીય ટીમની જરસી બનાવી. પરંતુ હવે એડિડાસ આ ડીલ પ્રાપ્ત કરવાની છે. 

ભારતીય ટીમ અને નાઈકીનો સાથ 14 વર્ષો સુધી રહ્યો

વર્ષ 2020 સુધી ભારતીય ટીમની સાથે નાઈકી કંપની જોડાયેલી હતી. ભારતીય ટીમ અને નાઈકીનો સાથ 14 વર્ષો સુધી રહ્યો. ઉલ્લેખનીય છે કે નાઈકી દર મેચ માટે 85 લાખ રૂપિયા આપતી હતી.