વડોદરા / VIDEO : વધુ એક અક્સ્માતનો બનાવ, કાર ચાલકે સ્ટીયરિંગ પરનો કાબૂ ગુમાવતા પલટી મારી ગઈ

વડોદરા શહેરના ગોત્રી વિસ્તારમાં અકસ્માતની ઘટના સામે આવી છે.. ગોત્રીમાં ઇએસઆઇ હોસ્પિટલ પાસે કાર ચાલકે સ્ટિયરિંગ પરથી કાબુ ગુમાવતા અકસ્માત સર્જાયો હતો.. કાર ડિવાઇડર પર જઇ પલટી ખાઇ ગઇ હતી.. જો કે સદનસીબે કોઇ જાનહાનિ થઇ ન હતી. પરંતુ અકસ્માતને પગલે લોકોનું ટોળુ સ્થળ પર એકત્ર થઇ ગયું હતું.

આ પણ વાંચોઃ લતા મંગેશકર ચોક પાસે ડમ્પરે મારી ટક્કર: 1 નું મોત; 6 ગંભીર રીતે ઘાયલ

સીસીટીવી ફૂટેજમાં જોઇ શકાય છે કે ફૂલ સ્પીડમાં આવતી એક કાર રોડ પર એકસાઇડ પાર્ક કરાયેલી અન્ય કારને પાછળથી ટક્કર મારે છે, આ દરમ્યાન શોર્ટબ્રેક મારવાને કારણે કાર સીધીજ પલટી ખાઇ જાય છે અને બે થી ત્રણ પલટી ખાઇને કાર ડિવાઇડર પર જઇ પડે છે.. આ અકસ્માત જોતા ચોક્કસ એમ લાગે કે આમાં જરૂર મોટી જાનહાનિ થઇ હશે.. પરંતુ સદનસીબે કોઇ જાનહાનિ થઇ ન હતી.

કાર ચાલક દારૂના નશામાં હોવાનો લોકોએ આક્ષેપ કર્યો હતો અને તેને પોલીસને હવાલે કર્યો હતો.. દરમ્યાન અકસ્માતની આ સમગ્ર ઘટના સીસીટીવી કેમેરામાં કેદ થઇ ગઇ હતી.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ