ભાવનગર / ડમ્પર ચાલકે બાઇકને ટક્કર મારતા પોલીસકર્મીના પત્ની-પુત્રનું કમકમાટીભર્યુ મોત

• ભાવનગરના ચિત્રા નજીક અકસ્માત
• ગૌરવપથ રોડ ઉપર ટ્રક ચાલકે બાઇકને મારી હતી ટક્કર
• બાઈક સવાર 3 પૈકી માતા-પુત્રનું ઘટનાસ્થળે મોત

આ બનાવ અંગે પ્રાપ્ત થયેલી વિગત અનુસાર, સિહોરથી ભાવનગર ખરીદી કરવા આવેલો ટ્રાફિક પોલીસમેન જીતેન્દ્રભાઇ ચૌહાણનો પરિવાર ખરીદી કરી સિહોર પરત ફરતો હતો. ત્યારે ચિત્રા નજીક ટ્રકચાલકે બાઇકને જોરદાર ટક્કર મારતા બાઇક સવાર તમામ ઢળી પડ્યા હતા. જેમાં ચાલકના પત્ની અને તેના પુત્રને ગંભીર ઇજા પહોંચી હતી. 

અકસ્માતમાં માતા-પુત્રનું મોત 

અકસ્માતને પગલે તમામને નજીકના દવાખાને સારવાર અર્થે ખસેડવામાં આવ્યા હતા. જો કે, સારવાર દરમિયાન બાળક તથા તેની માતનું મોત નિપજ્યું હતું. બનાવ અંગે ડી ડીવીઝન પોલીસે મૃતકના પી.એમ સહિતની કાર્યવાહી હાથ ધરીને અકસ્માત કરી નાસી જનાર ટ્રક ચાલક સામે ગુનો નોંધી તેને ઝડપી લેવા આગળની કાર્યવાહી હાથ ધરી છે.

પરિવાર પર આભ તૂટી પડ્યું 

આપને જણાવી દઇએ કે, જીતેન્દ્રભાઇએ લગ્ન જીવનના 8 વર્ષ બાદ પુત્ર થવા પામ્યો હતો અને અકસ્માતમાં તે પુત્ર તથા તેની પત્ની મૃત્યુ પામતા જીતેન્દ્રભાઇ તથા તેના પરિવાર પર જાણે આભ તૂટી પડ્યું હતું.