AUS vs SA / મેદાનમાં તાંડવ કરતાં Tim Davidનો કેચ દર્શકે એક હાથ કર્યો, સૌ કોઈ હક્કા બક્કા

ઓસ્ટ્રેલિયા અને દક્ષિણ આફ્રિકા વચ્ચે રવિવારે ડાર્વિનના મરારા ક્રિકેટ ગ્રાઉન્ડ પર પ્રથમ T20I મેચ રમાઈ હતી. આ દરમિયાન સ્ટેન્ડમાં બેઠેલા એક ચાહકે બધાનું ધ્યાન ખેંચ્યું. આ દર્શકે એક હાથે શાનદાર કેચ પકડ્યો. આવી સ્થિતિમાં, તેને વર્ષનો સૌથી સારો ફેન કેચ કહેવામાં આવી રહ્યો છે.

ઓસ્ટ્રેલિયન ઇનિંગ દરમિયાન, ટિમ ડેવિડે કોર્બિન બોશનો એક બોલ બાઉન્ડ્રી ઉપરથી ફટકાર્યો. નિરાશામાં, બોશ ફક્ત દર્શકો વચ્ચે બોલ જતો જોતો રહ્યો. પરંતુ સીટ પર પડવાને બદલે, બોલ એક દર્શકે પકડી લીધો. આ દર્શકના બીજા હાથમાં બે કેન પણ હતા. દર્શકનો આ કેચ કેમેરામાં કેદ થયો. નજીકમાં હાજર લોકોએ પણ તેને ઉત્સાહિત કર્યો અને પ્રોત્સાહન આપ્યું. હવે આ કેચનો વીડિયો સોશિયલ મીડિયા પર પણ વાયરલ થઈ રહ્યો છે.

મેચની વાત કરીએ તો, દક્ષિણ આફ્રિકાએ ટોસ જીતીને પહેલા બોલિંગ કરવાનો નિર્ણય લીધો. ઓસ્ટ્રેલિયાની શરૂઆત ખરાબ રહી. ટીમે 30 રનમાં 3 વિકેટ ગુમાવી દીધી. કેપ્ટન મિશેલ માર્શે 13 અને ટ્રેવિસ હેડે 2 રન બનાવ્યા. જોશ ઇંગ્લિશ પોતાનું ખાતું પણ ખોલી શક્યો નહીં. આ પછી, ટિમ ડેવિડે 52 બોલમાં 83 રનની ઇનિંગ રમી અને ટીમને સંકટમાંથી બચાવી. કેમેરોન ગ્રીને 13 બોલમાં 35 રનની ઇનિંગ રમીને રન રેટ વધાર્યો. નીચલા ક્રમમાં પણ કોઈના બેટે સારું પ્રદર્શન કર્યું નહીં. ઓસ્ટ્રેલિયા 20 ઓવરમાં 178 રનમાં ઓલઆઉટ થઈ ગયું.

વધુ વાંચો: 'હું ન કરી શક્યો..' ટીમ ઈન્ડિયામાં ચાન્સ મળવા છતાં પ્રદર્શન ન કરી શકતા ક્રિકેટરનું છલકાયું દર્દ

6 છગ્ગા ફટકાર્યા હતા

વોર્નરે 2009 માં દક્ષિણ આફ્રિકા સામે ઓસ્ટ્રેલિયન બેટ્સમેન તરીકે 6 છગ્ગા ફટકારવાનો રેકોર્ડ બનાવ્યો હતો. તે આ ટીમ સામે એક ઇનિંગમાં સૌથી વધુ છગ્ગા ફટકારનાર બેટ્સમેન બન્યો હતો. તે દરમિયાન વોર્નરે 89 રનની તોફાની ઇનિંગ રમી હતી. આ રેકોર્ડ છેલ્લા 16 વર્ષથી અકબંધ રહ્યો હતો પરંતુ હવે ટિમ ડેવિડે તેને તોડી નાખ્યો છે. રવિવારે ડાર્વિનના મારા ક્રિકેટ ગ્રાઉન્ડ ખાતે રમાયેલી પ્રથમ ટી20 મેચમાં ટિમ ડેવિડે આફ્રિકન બેટ્સમેનોને ચકનાચૂર કરી દીધા હતા.

ડેવિડે 83 રન બનાવ્યા

આફ્રિકન ટીમે ટોસ જીતીને પહેલા બોલિંગ કરવાનો નિર્ણય લીધો. ઓસ્ટ્રેલિયાનો ટોપ ઓર્ડર સંપૂર્ણપણે તૂટી ગયો હતો. આ પછી ટિમ ડેવિડે જવાબદારી લીધી. તેણે તલવારની જેમ બેટ ફેરવતા તોફાની ઇનિંગ્સ રમી. ડેવિડે માત્ર 52 બોલમાં 83 રન બનાવ્યા, જેમાં 8 છગ્ગા અને 4 ચોગ્ગાનો સમાવેશ થાય છે. 8 છગ્ગા ફટકારીને, ડેવિડ દક્ષિણ આફ્રિકા સામે T20 ઇનિંગ્સમાં સૌથી વધુ છગ્ગા ફટકારનાર બેટ્સમેન બન્યો

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ