જીવલેણ શરાબ / અરરર...! હવે બિયરની બોટલમાં તરતી જોવા મળી મરેલી ગરોળી, જુઓ વાયરલ વીડિયો

તેલંગાણાના વિકારાબાદમાં એક ચોંકાવનારી ઘટના સામે આવી છે, જ્યાં બડવાઈઝર બીયરની બોટલમાં એક ગરોળી તરતી જોવા મળી છે. આ ઘટનાએ ખાદ્ય સુરક્ષા અને સ્વચ્છતા ધોરણો પર ગંભીર પ્રશ્નો ઉઠાવ્યા છે. રિપોર્ટ મુજબ, કેરલ્લી ગામના લક્ષ્મીકાંત રેડ્ડી અને અનંતૈયા નામના બે વ્યક્તિઓએ ધારૂર સ્થિત એક વાઇન શોપમાંથી લગભગ 4,000 રૂપિયાની બિયર ખરીદી હતી. જ્યારે તેમણે બડવાઈઝર બીયરની બોટલ ખોલી, ત્યારે અંદર ગરોળી જોઈને તેઓ ચોંકી ગયા.

સોશિયલ મીડિયા પર વાયરલ થઈ રહેલા વીડિયોમાં, એક વ્યક્તિ બોટલને હલાવતો જોવા મળે છે, જેમાં ગરોળી સ્પષ્ટ રીતે તરતી નજરે પડે છે. . આ ઘટનાને પગલે બંનેએ સ્થાનિક અધિકારીઓ પાસે ફરિયાદ નોંધાવી છે. વાઇન શોપના માલિકે આ ઘટનાની જવાબદારીમાંથી દૂર રહેતા કહ્યું કે આ સમસ્યા બ્રૂઅરી સ્તરે થઈ હશે.

HTએ બડવાઈઝર કંપની પાસેથી પ્રતિક્રિયા માંગી છે, અને કંપનીનું નિવેદન મળ્યા પછી રિપોર્ટને અપડેટ કરવામાં આવશે. આ ઘટનાથી પહેલા પણ ભારતમાં ખાદ્ય સુરક્ષાથી જોડાયેલી વધુ એક ઘટના સામે આવી હતી. દિલ્હીના આર્યંશ સિંહ સાથે આ ઘટના ઘટી હતી.. તેમને IRCTCના VIP એક્ઝિક્યુટિવ લાઉન્જમાં પીરસાયેલા રાયતામાં જીવંત કાનખજૂરો જોવા મળ્યો હતો.

સોશિયલ મીડિયા પ્લેટફોર્મ X પર તેમણે આ ઘટનાની તસવીર શેર કરતાં વ્યંગાત્મક ટિપ્પણી કરી હતી, "હા, ભારતીય રેલવેની ખાદ્ય ગુણવત્તામાં સુધારો થયો છે; હવે તેઓ વધુ પ્રોટીન સાથે રાયતું પીરસે છે." રેલવેની તરફથી પ્રતિક્રિયામાં IRCTCના પ્રવક્તાએ પુષ્ટિ કરી કે આ ઘટના ગયા મહિને થઈ હતી અને તેના બાદ ભવિષ્યમાં આવા મુદ્દાઓથી બચવા જરૂરી પગલાં લેવામાં આવ્યા છે. પ્રવક્તાએ જણાવ્યું કે ઘટનાના સમયે સર્વિસ કર્મચારીઓએ ઝડપી પ્રતિક્રિયા આપી હતી અને સેવા પ્રદાતા પર દંડાત્મક કાર્યવાહી પણ કરવામાં આવી છે. IRCTCએ આર્યંશની પોસ્ટનો ધ્યાને લઈ માફી વ્યક્ત કરી અને આ મામલે વધુ તપાસ કરવા માટે તેમની પાસેથી વધુ માહિતી માંગી છે.

બધાજ સમાચાર અને અપડેટ્સ મેળવવા માટે પ્લેસ્ટોર/ એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ