ચકચાર / પત્ની શ્વેતા કિલર છે! પતિને ઉંધની દવા પીવડાવી પ્રેમીને ઘરે બોલાવ્યો, ઠંડા કલજે ગળું દબાવી કરી હત્યા, સુરત લૂંટ વિથ મર્ડર કેસ ઉકેલાયો

• સુરતના પલસાણાના એના ગામમાં લૂંટ વિથ મર્ડરનો કેસ 
• પોલીસે લૂંટ વિથ મર્ડરનો ઉકેલ્યો ભેદ 
• પત્નીએ પ્રેમી સાથે મળીને પતિની હત્યા કરી હોવાનો થયો ખુલાસો 
• મૃતક રાકેશની પત્ની શ્વેતા દ્વારા જ રચાયુ હતું હત્યાનું ષડયંત્ર 

સુરતમાં વધુ એક હત્યાની ઘટના સામે આવતા હાહાકાર મચી ગયો છે. જેમાં પલસાણા ગામમાં લૂંટ સાથે મર્ડર કેસ પ્રકાશમાં આવ્યો છે. જેને લઈને પોલીસ દોડતી થઈ છે. વધુમાં પોલીસે ગણતરીના કલાકોમાં જ લૂંટનો ભેદ ઉકેલી નાખ્યો છે. તપાસમાં સામે આવ્યું કે પત્નીએ પ્રેમી સાથે મળીને પતિને મોતને ઘાટ ઉતારી દીધો હતો.

પતિને ઉંધની દવા પીવડાવી પ્રેમી વિપુલ કહારને બોલાવ્યો હતો ઘરે 

આ કેસની વિગત એવી છે કે શિવાલિક બંગલોઝ નામની સોસાયટીમાં રહેત રાકેશ નાયક નામના 49 વર્ષીય યુવાનની હત્યા હરાયેલી હાલતમા લાશ મળી આવી હતી.આ મામલે પોલીસને જાણ કરતા પોલીસ દોડી ગઈ હતી. જ્યા તપાસ હાથ ધરતા લૂંટ ચલાવવામાં આવી હોવાનું પણ બહાર આવ્યું હતું. જેને લઈને પોલીસે ઊંડી તપાસ હાથ ધરી હતી. આ દરમિયાન પત્ની શ્વેતા દ્વારા જ હત્યાનું ષડયંત્ર રચી પતિનો કાંટો કાઢી નાંખવામાં આવ્યો હોવાનું સામે આવ્યું હતુ.

હત્યારી પત્નીએ પતિને પ્રથમ ઉંધની દવા પીવડાવી હતી. બાદમાં પ્રેમી વિપુલ કહારને બોલાવ્યો હતો. જ્યા પ્રેમી વિપુલે રાકેશ નાયકનું ગળુ દબાવી તેને મોતને ઘાટ ઉતારી દીધો હતો. ગ્રામ્ય પોલીસે પત્ની શ્વેતા અને પ્રેમી વિપુલ કહારની ધરપકડ કરી લીધી છે.