કૌભાંડ / મહેસાણા અને ગાંધીનગરના વધુ 7 ગુજરાતી વિદ્યાર્થીઓ અમેરિકામાં ઝડપાયા, તમામની પાસે હતા IELTSના ખોટા સર્ટી

• IELTSના ખોટા સર્ટી સાથે વધુ 7 ગુજરાતી વિદ્યાર્થીઓ ઝડપાયા
• કેનેડાથી ક્યુબિક રૂટથી ન્યૂયોર્કમાં વિદ્યાર્થીઓ પ્રવેશી રહ્યાં હતા
• મહેસાણા અને ગાંધીનગરના 7 વિદ્યાર્થીઓ USAમાં ઝડપાયા

IELTSના ખોટા સર્ટી સાથે અમેરિકામાંથી વધુ 7 ગુજરાતી વિદ્યાર્થીઓ ઝડપાયા છે. આ વિદ્યાર્થીઓ કેનેડાથી ક્યુબેક રૂટથી ન્યુયોર્કમાં પ્રવેશી રહ્યાં હતા. તમામની પાસે 7થી 8 બૅન્ડના IELTS સર્ટી હતા.

IELTSના ખોટા સર્ટી સાથે વધુ 7 ગુજરાતી વિદ્યાર્થીઓ અમેરિકામાં ઝડપાયા, મહેસાણા અને દિલ્હીના એજન્ટ મારફતે વિદ્યાર્થીઓ કેનેડા ગયા હતા, તમામને અમેરિકાની કોર્ટમાં હાજર કરાશે#IELTS #America #Canada #Gujarat #Delhi

— VTV Gujarati News and Beyond (@VtvGujarati) August 3, 2022

આ તમામ વિદ્યાર્થીઓને અંગ્રેજી ભાષા નહોતી આવડતી

મહેસાણા અને ગાંધીનગરના 7 ગુજરાતી વિદ્યાર્થીઓ USAમાં ઝડપી પડાયા. US ઈમિગ્રેશન એન્ડ કસ્ટમ ઈન્ફોર્સમેન્ટે આ વિદ્યાર્થીઓને ઝડપી પાડ્યા છે. તમામની પાસેથી IELTSના સર્ટીફિકેટ મળી આવ્યા છે. તેઓ કેનેડાના સ્ટુડન્ટ વિઝાથી કેનેડામાં પ્રવેશ્યા હતા. મહેસાણા અને દિલ્હી એજન્ટ મારફતે તેઓ કેનેડા ગયા હતા. હવે આ તમામ વિદ્યાર્થીઓને અમેરિકાની કોર્ટમાં હાજર કરાશે. જણાવી દઇએ કે, આ તમામ વિદ્યાર્થીઓને અંગ્રેજી ભાષા નહોતી આવડતી.

ઉલ્લેખનીય છે કે, તાજેતરમાં જ IELTSની પરીક્ષા આપી વધુમાં વધુ બેન્ડ મેળવી વિદેશ જવાના કૌભાંડનો પર્દાફાશ થયો હતો. જેમાં મહેસાણા જિલ્લાના માંકણજ, ધામણવા, સાંગણપુર અને રામનગર ગામના 4 યુવાનો કેનેડાથી અમેરિકામાં ઘૂસ મારતા ઝડપાયા હતા. IELTS બૅન્ડના કૌભાંડનો પર્દાફાશ થતા મહેસાણા SOGએ આ મામલે વધુ તપાસ હાથ ધરી છે. મહેસાણા SOGએ હાથ ધરેલી તપાસમાં કેનેડા મોકલનાર બે એજન્ટો અને બૅન્ડ મેળવી આપનાર એજન્ટની પૂછપરછ કરાતા IELTS બૅન્ડમાં મોટા માથાના નામ ખુલવાની સંભાવના છે.

મહેસાણા જિલ્લામાંથી કેનેડા અને કેનેડાથી અમેરિકા મોકલવાની માનવ તસ્કરી થતાં હોવાના અનેક કિસ્સા સામે આવ્યા છે. ત્યારે શિક્ષિત પણ ઠોઠ નિશાળીયા યુવાનોને IELTSની પરીક્ષા અપાવી 8 બેન્ડના સર્ટિફિકેટ આપી સુશિક્ષિત અને કાબેલ બતાવી કેનેડાથી અમેરિકામાં ગેરકાયદેસર ઘુસણખોરી કરાવવાનો ઘટસ્ફોટ અમેરિકાની પોલીસે પકડતા થયો છે.

મહેસાણા IELTS કૌભાંડના તાર અમદાવાદ સુધી જોડાયા

આ ઘટનામાં ચારેય વિદ્યાર્થીઓએ નવસારીની હોટલ ફન સીટીમાં પરીક્ષા આપી હોવાનું સામે આવ્યું હતું. આ અંગે હોટલના મેનેજરે જણાવ્યું હતું કે, અમદાવાદની પ્લેનેટ એજ્યુકેશન સંસ્થાનું હોટલ ફન સિટી સાથે વાર્ષિક ટાય-અપ છે તથા અહીં સમયાંતરે પરીક્ષાનું આયોજન થતું રહે છે. પોલીસે સમગ્ર મામલે હોટલ મેનેજર સહિત IELTSના કર્મચારીઓના નિવેદનો લઈ તપાસ હાથ ધરી છે. પરિવાર સમગ્ર મામલે અજાણ હોવાનું રટણ કરી રહ્યો છે.

પ્લેનેટ એજ્યુકેશન સંસ્થાના અધિકારીઓને નોટિસ: પોલીસ

SOG પોલીસ અધિકારી બી.કે રાઠોડે જણાવ્યું હતું કે, તપાસમાં બહાર આવ્યું હતું કે નવસારી ખાતે તેમની એક્ઝામ થઈ હતી. ત્યાં તપાસ કરી ફેકલ્ટીના નિવેદન પણ લેવામાં આવ્યા છે. અત્યાર સુધી 25 લોકોની સમગ્ર મામલે પૂછપરછ કરવામાં આવી છે.હાલ અમદાવાદની પ્લાનેટ એજ્યુકેશન સંસ્થા છે તે એક્ઝામનું હેન્ડલિંગ કરે છે. ત્યાંના ઓફિસરોને પણ તેમનું સ્ટેટમેન્ટ લખાવા માટે બોલાવવામાં આવ્યા છે.

વિદ્યાર્થીઓ કોર્ટમાં એગ્રેજી નહોતા બોલી શક્યા

IELTSમાં 8 બેન્ડ મેળવીને અમેરિકા જવાનું કૌભાંડ આચર્યા મામલે માંકણજ, ધામણવા, રામનગર અને સંગણપુરના 4 યુવાનોને લઇને મહેસાણા SOG પોલીસ દ્વારા આ મામલે વિગતવાર તપાસ હાથ ધરવામાં આવી છે. આ યુવકો જ્યારે બોટ મારફતે કેનેડા અને કેનેડાથી અમેરિકા જઇ રહ્યાં હતા એ દરમ્યાન તેઓને ત્યાંથી પકડવામાં આવ્યા હતા. આથી આ પકડાયેલા યુવકોને જ્યારે અમેરિકાની કોર્ટમાં રજૂ કરવામાં આવ્યા ત્યારે તેમનો સમગ્ર ભાંડો ફૂટ્યો હતો. કારણ કે તેઓને જ્યારે કોર્ટમાં રજૂ કરવામાં આવ્યા ત્યારે આ યુવકો અંગ્રેજી ન હોતા બોલી શક્યા. આથી, આ સમગ્ર કૌભાંડનો પર્દાફાશ થયો હતો.

8 બેન્ડ પર અમેરિકા પહોંચેલા વિદ્યાર્થીઓ 

• પટેલ ધ્રુવ રસિકભાઈ 
• પટેલ નીલ અલ્પેશકુમાર
• પટેલ ઉર્વીશ શૈલેષભાઈ 
• પટેલ સાવન રાજેન્દ્રકુમાર

એજન્ટોએ પોલીસને નિલમ સિરામિકમાં બેસીને કામ કરતા હોવાનું જણાવ્યું હતું

વધુમાં આ મામલે એજન્ટો પણ પોલીસને ગેરમાર્ગે દોરી રહ્યાં છે. કારણ કે તપાસમાં જીગર અને રવિએ પોલીસને ખોટું સરનામું આપ્યું હોવાનું જાણવા મળી રહ્યું છે. એજન્ટોએ પોલીસને નિલમ સિરામિકમાં બેસીને કામ કરતા હોવાનું જણાવ્યું હતું. આથી, મહેસાણાના નિલમ સિરામિક પર VTV પહોચ્યું. જ્યાં નિલમ સિરામિકના માલિકે એજન્ટોને ઓળખતા ન હોવાનું નિવેદન આપ્યું હતું.