ક્રિકેટની રમતમાં અવાર-નવાર કોઈના કોઈ મોટો રેકોર્ડ બને છે. તો આજકાલ ખેલના ત્રણેય ફોર્મેટમાં દરરોજ નવો ઈતિહાસ લખાઈ રહ્યો છે. પરંતુ આ રમતમાં ઘણા એવા રેકોર્ડ છે, જેને તોડવા લગભગ અશક્ય છે. એવા 5 રેકોર્ડ્સ અંગે આજે અમે તમને જણાવવા જઇ રહ્યાં છે.
ક્યારેય નહીં તુટે ક્રિકેટના આ 5 રેકોર્ડ
રોહિત શર્માના નામે એક એવો રેકોર્ડ, જેને તોડવો ઘણો મુશ્કેલ
ઈંગ્લેન્ડના ફાસ્ટ બોલર જિમના નામે પણ ક્યારેય તુટે નહીં તેવો રેકોર્ડ
એક ઈનિંગમાં રોહિતના 264 રન
ભારતીય ટીમના કેપ્ટન અને હિટમેનના નામથી આખી દુનિયામાં પ્રખ્યાત રોહિત શર્માના નામે એક એવો રેકોર્ડ છે, જેને તોડવો ઘણો મુશ્કેલ છે. રોહિતે 2014માં શ્રીલંકા સામે વન-ડે મેચમાં 264 રનની ઈનિંગ રમી હતી. આટલો મોટો સ્કોર કોઈ ખેલાડી તો શુ ઘણી વખત ટીમો માટે બનાવવો પણ મુશ્કેલ હોય છે. એટલું જ નહીં, રોહિત આ ફોર્મેટમાં ત્રણ ડબલ સદી ફટકારનારા એકમાત્ર બેટર છે.
એક ટેસ્ટમાં 19 વિકેટ
ઈંગ્લેન્ડના દિગ્ગજ ફાસ્ટ બોલર જિમના નામે પણ ક્યારેય તુટે નહીં તેવો રેકોર્ડ છે. જિમે 1956માં ઓસ્ટ્રેલિયા સામેની એક ટેસ્ટમાં 19 વિકેટ લીધી હતી. આ રેકોર્ડને તોડવો અશક્ય છે. એક ટેસ્ટમાં 20 વિકેટ લેવી કોઈ ચમત્કારથી ઓછુ નથી.
મુરલીધરનની સૌથી વધુ વિકેટ
શ્રીલંકાના દિગ્ગજ સ્પિનર મુથૈયા મુરલીધરનના નામે ક્રિકેટમાં સૌથી વધુ વિકેટનો રેકોર્ડ છે. મુથૈયા મુરલીધરનના નામે 1347 વિકેટ છે, જેમાંથી 800 તેમણે ટેસ્ટ ક્રિકેટમાં લીધી છે. બીજા નંબરે 1001 વિકેટ લેનારા ઓસ્ટ્રેલિયન સ્પિનર શેન વૉર્નના નામે છે.
નાઈટ વૉચમેનની ડબલ સદી
ક્રિકેટની રમતમાં એક રેકોર્ડ એવો પણ જ્યારે કોઈ નાઈટ વૉચમેને ડબલ સદી ફટકારી હતી. નાઈટ વૉચમેન મોટાભાગે એક બોલર માટે ઉપયોગમાં આવતો શબ્દ છે. એક નાઈટ વૉચમેન દિવસ પૂર્ણ થતા પહેલા વિકેટ સંભાળવા માટે ક્રીજ પર આવે છે. પરંતુ 2006માં ઓસ્ટ્રેલિયાના ફાસ્ટ બોલર જેસન ગિલેસ્પીએ નાઈટ વૉચમેન તરીકે 201 રનની ઈનિંગ રમી હતી.