તમારા કામનું / PM કિસાનનો 17મો હપ્તો જાહેર, 9.3 કરોડ ખેડૂતોને ફાયદો, લિસ્ટમાં આ રીતે ચેક કરો તમારું નામ

PM Kisan Nidhi : નરેન્દ્ર મોદીએ ત્રીજી વખત વડાપ્રધાન બન્યા બાદ આજે સૌથી પહેલા ખેડૂતોના હિતમાં મોટો નિર્ણય લીધો છે. PM મોદીએ પ્રધાનમંત્રી કિસાન સન્માન નિધિ યોજનાનો 17મો હપ્તો જાહેર કર્યો છે. આ હપ્તાથી 9.3 કરોડ ખેડૂતોને ફાયદો થશે. PM કિસાનના 17મા હપ્તામાં 20,000 કરોડ રૂપિયા જાહેર કરવામાં આવ્યા છે. નિર્ણય પર હસ્તાક્ષર કર્યા પછી PMએ કહ્યું, 'અમારી સરકાર ખેડૂતોના કલ્યાણ માટે પ્રતિબદ્ધ છે. તેથી PM તરીકેનો ચાર્જ સંભાળ્યા બાદ ખેડૂતોના હિતમાં પહેલો નિર્ણય લેવામાં આવ્યો છે. અમે આવનારા સમયમાં ખેડૂતો અને કૃષિ ક્ષેત્ર માટે વધુ કામ કરવા માંગીએ છીએ.

જાણો શું કહ્યુ PM મોદીએ ?

PM મોદીએ PM કિસાન નિધિ સન્માન યોજનાના 17મા હપ્તાને લગતી ફાઇલ પર હસ્તાક્ષર કર્યા છે. આ અંતર્ગત લગભગ 20 હજાર કરોડ રૂપિયા ફાળવવામાં આવશે, જેનાથી દેશના 9.3 કરોડ ખેડૂતોને ફાયદો થશે. આ દરમિયાન વડાપ્રધાન મોદીએ કહ્યું ક, અમારી સરકાર ખેડૂતોના કલ્યાણ માટે સંપૂર્ણપણે સમર્પિત છે. તેથી તે વ્યાજબી હતું કે સહી કરવાની પ્રથમ ફાઇલ ખેડૂતોના કલ્યાણને લગતી હોવી જોઈએ. અમે આવનારા સમયમાં ખેડૂતો અને કૃષિ ક્ષેત્ર માટે વધુને વધુ કામ કરવા માંગીએ છીએ.

તમારા ખાતામાં પૈસા આવ્યા છે કે નહીં તેની તપાસ કેવી રીતે કરવી ?

• સૌ પ્રથમ તમારે PM કિસાનની સત્તાવાર વેબસાઇટ https://pmkisan.gov.in/ પર જવું પડશે .
• હવે તમે સ્ક્રીન પર PM કિસાન પોર્ટલ ઓપન જોશો. અહીં તમારે FARMERS CONNER પર ક્લિક કરવાનું રહેશે.
• હવે તમે ઘણા વિકલ્પો જોશો. તમારે Know Your Status પર ક્લિક કરવાનું રહેશે.
• હવે સ્ક્રીન પર ખુલે છે તે પૃષ્ઠની ટોચ પર તમારો નોંધણી નંબર જાણો પર ક્લિક કરો.
• હવે તમારો આધાર નંબર દાખલ કરો.
• તમારા નંબર પર એક OTP આવશે, તેને એન્ટર કરો.
• હવે તમને તમારો નોંધણી નંબર મળશે. હવે નવા પૃષ્ઠ પર, નોંધણી નંબર અથવા મોબાઇલ નંબર અને કેપ્ચા કોડ દાખલ કરો અને 'ડેટા મેળવો' પર ક્લિક કરો.
• હવે તમે સ્ક્રીન પર PM કિસાન હપ્તા વિશે સંપૂર્ણ માહિતી જોશો

વધુ વાંચો : રાષ્ટ્રપતિ ભવનમાં દીપડો? મંત્રીની શપથ દરમ્યાન આ વાયરલ વીડિયોએ મચાવ્યો હડકંપ, જુઓ Video

લાભાર્થીઓની યાદીમાં તમારું નામ કેવી રીતે જોવું ?

• સૌ પ્રથમ તમારે www.pmkisan.gov.in વેબસાઇટ પર જવું પડશે.
• હવે તમારે 'લાભાર્થી યાદી' વિકલ્પ પર ક્લિક કરવું પડશે.
• હવે તમારા રાજ્ય, જિલ્લા, વિભાગ અને ગામની વિગતો ભરો.
• હવે 'Get Report' પર ક્લિક કરો.
• હવે તમે સ્ક્રીન પર તમારા ગામના લાભાર્થીઓના નામ જોશો.
• આ રીતે તમે ચકાસી શકો છો કે તમારું નામ યાદીમાં છે કે નહીં. જો તમારું નામ યાદીમાં છે, તો તમને PM કિસાન હપ્તાનો લાભ મળશે.