દેશનિકાલ / ગેરકાયદેસર અમેરિકા જતાં લોકો ચેતી જજો! 145 ભારતીયો સાથે જે થયું તે જાણશો તો આંખો ફાટી જશે

• 145 ભારતીયોને અમેરિકાએ દેશનિકાલ કરી પરત મોકલ્યાં
• ડિપોર્ટ કરાયેલા ભારતીયોના હાથ અને પગ બાંધેલા હતા
• દેશનિકાલ કરેલા ભારતીયોના કપડાં ફાટેલા હતા
   

આ ભારતીયો જ્યારે નવી દિલ્હીના ઇન્દિરા ગાંધી ઇન્ટરનેશનલ એરપોર્ટ પર લેન્ડ થયા ત્યારે તેમના હાથ અને પગ બાંધેલા હતા. વિમાનમાંથી ઊતરતાં પહેલાં જ તેમના હાથ-પગ ખોલી નાખવામાં આવ્યા હતા. ર૧ વર્ષીય સુખવિંદરસિંહે એક વર્ષ બાદ મોબાઇલ ફોનને સ્પર્શ કર્યો હતો. 
 

દિલ્હીના એરપોર્ટ પર એક પછી એક ૧૪પ ભારતીયો ફાટેલાં કપડાં અને દોરી વગરનાં જૂતાંમાં વિમાનમાંથી બહાર આવ્યા હતા. તેમાં ત્રણ મહિલાનો પણ સમાવેશ થતો હતો. તેમને અમેરિકાના એરિઝોનાથી ડિપાેર્ટ કરવામાં આવ્યા હતા.

તેમની સાથે રપ બાંગ્લાદેશીઓને પણ ડિપોર્ટ કરાયા હતા. ર૪ કલાકની સફર બાદ તેમના ચહેરા પર થાક વર્તાતો હતો. આ ભારતીયોને કેટલાય દિવસો સુધી અમેરિકામાં ભૂખ્યા રહેવું પડયું હતું. રમનદીપસિંહે જણાવ્યું હતું કે ઇમિગ્રેશન કેમ્પમાં અમોને નામથી નહીં પણ નંબરથી બોલાવવામાં આવતા હતા.