- G20 બેઠકમાં વધુ સારી સુરક્ષા વ્યવસ્થા માટે ગૃહ મંત્રાલય એક્શનમાં
- જી-20 બેઠકની સુરક્ષા માટે તમામ અર્ધલશ્કરી દળોના જવાનોને પણ તૈનાત
- G20 મીટિંગની સુરક્ષા માટે CRPF ગાર્ડની 50 ટીમો કરવામાં આવી રહી છે તૈયાર
સપ્ટેમ્બરમાં યોજાનારી G20 બેઠકમાં વધુ સારી સુરક્ષા વ્યવસ્થા માટે ગૃહ મંત્રાલયમાં અનેક રાઉન્ડની બેઠકો યોજવામાં આવી છે. દિલ્હી પોલીસ મુખ્યત્વે સુરક્ષા વ્યવસ્થા માટે નોડલ એજન્સી છે. પરંતુ જી-20 બેઠકની સુરક્ષા માટે તમામ અર્ધલશ્કરી દળોના જવાનોને પણ તૈનાત કરવામાં આવી રહ્યા છે. સૂત્રોનું માનીએ તો G20 મીટિંગની સુરક્ષા માટે CRPF ગાર્ડની 50 ટીમો તૈયાર કરવામાં આવી છે, જેમાં લગભગ 1000 જવાન સામેલ થશે. આ તે જવાન છે જે એક યા બીજા સમયે VIP સુરક્ષામાં તૈનાત રહી ચૂક્યા છે.
સુરક્ષામાં વિશેષ ટીમ તૈનાત
CRPFએ G20 મીટિંગમાં વિદેશી મહેમાનોની અભેદ્ય સુરક્ષા માટે VIP સુરક્ષા તાલીમ કેન્દ્ર, ગ્રેટર નોઈડા ખાતે 1000 'ગાર્ડ્સ'ની "સ્પેશિયલ 50 ટીમ" તૈયાર કરી છે. દેશના વિવિધ ભાગોમાંથી 50 CRPF ટ્રેનર્સ ગાર્ડને તૈયાર કરવામાં લાગેલા છે. આ ગાર્ડની 50 જેટલી ટીમો બનાવવામાં આવી હતી. આ સિવાય 300 જેટલા બુલેટપ્રુફ વાહનો તૈયાર કરવામાં આવી રહ્યા છે.
CRPFની VIP ટ્રેનિંગ ઈન્સ્ટિટ્યૂટમાં જે 1000 જવાનને તાલીમ
CRPFની વીઆઈપી ટ્રેનિંગ ઈન્સ્ટિટ્યૂટમાં જે એક હજાર જવાનને તાલીમ આપવામાં આવી રહી છે તે સામાન્ય જવાન નથી. આમાં તે તમામ જવાનોનો સમાવેશ થાય છે જે ભૂતકાળમાં VIP સુરક્ષાનો ભાગ રહી ચૂક્યા છે. આ એવા કમાન્ડો છે જેમણે SPG અને NSG જેવા સુરક્ષા એકમો સાથે એક યા બીજા સમયે કામ કર્યું છે. આ તમામ જવાનો વિદેશી રાષ્ટ્રાધ્યક્ષો અને સરકારના વડાઓના VIP રૂટના 'કાર્કેડ'માં ચાલશે. આ સાથે CRPFની વિશેષ 50 ટીમને ઘણી જગ્યાએ સુરક્ષામાં તૈનાત કરવામાં આવશે. કેટલાક કમાન્ડો ડ્રાઈવરોને પણ VIPની સાથે જવાની તાલીમ આપવામાં આવી રહી છે. CRPFના ટ્રેનિંગ સેન્ટરમાં દિલ્હી પોલીસને પણ ટ્રેનિંગ આપવામાં આવી રહી છે.
કમાન્ડો દરેક જગ્યાએ તૈનાત રહેશે
સૂત્રોએ જણાવ્યું કે, આ વિશેષ જવાન/કમાન્ડો દિલ્હીના IGI એરપોર્ટ અને ગાઝિયાબાદના હિંડન એરબેઝથી પ્રગતિ મેદાન G-20 સમિટ સુધી મહેમાનોને લાવવાની જવાબદારી સંભાળશે. તેમને એરપોર્ટથી બહાર કાઢવા, મીટિંગ હોલ સુધી પહોંચવા, પછી તેમને સુરક્ષિત રીતે હોટલમાં લાવવા માટે કયા પ્રોટોકોલ અપનાવવામાં આવે છે, આ બધું પણ ગ્રેટર નોઈડાના સેન્ટરમાં ચાલી રહેલી ટ્રેનિંગનો એક ભાગ છે. કહેવામાં આવી રહ્યું છે કે, આ ટ્રેનિંગ 3 સપ્ટેમ્બર સુધી ચાલુ રહેશે. તે પછી 1 દિવસ માટે સુરક્ષા રિહર્સલ થશે. 7 સપ્ટેમ્બરથી વિદેશી મહેમાનો આવવાનું શરૂ થશે. તે પહેલા આ ટ્રેન્ડ કમાન્ડોને અલગ-અલગ VIPની સુરક્ષામાં તૈનાત કરવામાં આવશે.
દરેક જગ્યાએ અભેદ્ય સુરક્ષા
CRPFના ટ્રેનિંગ સેન્ટરમાં VIP કાફલાથી લઈને રોકાવાના સ્થળ સુધીની સુરક્ષાની સમગ્ર જવાબદારી સોંપવા માટે વિશેષ કમાન્ડોને તાલીમ આપવામાં આવી છે. હોટેલ અથવા મીટિંગ સ્થળ છોડ્યા પછી વાહનમાં VIPને કેવી રીતે એસ્કોર્ટ કરવું. ત્યારે સુરક્ષાને લઈને કેવો પ્રોટોકોલ હશે તેની સંપૂર્ણ વિસ્તૃત માહિતી પણ કમાન્ડોને આપવામાં આવી છે. કારમાં કેવી રીતે બેસવું, કોઈ ઘટના બને તો સલામતીના કયા ફોર્મ્યુલાનો ઉપયોગ કરવો, વિદેશી મહેમાનોને ભયની લાગણી થાય તો કેવી રીતે રક્ષણ કરવું વગેરે શીખવવામાં આવ્યું છે.
પ્લાન B કેવી રીતે તૈયાર કરવો
આ સાથે જો રસ્તાની વચ્ચે વાહનમાં ટેકનિકલ પ્રોબ્લેમ હોય તો તેના માટે પ્લાન B કેવી રીતે તૈયાર કરવો, તેની સાથે પ્રથમ, બીજા અને ત્રીજા નંબરના વાહનોની સ્થિતિ શું હશે અને કયા વાહનમાં વિદેશી મહેમાન આવશે. શિફ્ટ કરવામાં આવશે. મતલબ કે વીઆઈપીને કેવી રીતે સુરક્ષા આપવી. આ બધું જવાનોને ટ્રેનિંગમાં જણાવવામાં આવ્યું છે. સૂત્રોના જણાવ્યા અનુસાર આ ટ્રેનિંગ 3 સપ્ટેમ્બર સુધી ચાલુ રહેશે. આ પછી રિહર્સલ થશે અને તે પછી તમામ કમાન્ડોને નિર્ધારિત જગ્યાએ તૈનાત કરવામાં આવશે.
વિદેશી મહેમાનો કયા રોકાશે ?
અનેક મીડિયા અહેવાલો અનુસાર દિલ્હીની 23 હોટલ અને એનસીઆરની 9 હોટલમાં વિદેશી મહેમાનોને રહેવાની યોજના બનાવવામાં આવી છે. વિદેશી મહેમાનો જ્યાં રોકાશે તેમાં ઓબેરોય, ઈમ્પીરીયલ કનોટ પ્લેસ, સરદાર પટેલ માર્ગ પર આઈટીસી મૌર્ય, તાજ માન સિંહ હોટેલ, લીલા પેલેસ, તાજ પેલેસ, અશોકા હોટેલ, લલિત, શાંગરીલા, હયાત રીજન્સી, લે મેરીડીયન, ધ લોધી, વિવાંતાનો સમાવેશ થાય છે. તાજ, શેરેટોન, ધ સૂર્યા, હોટેલ પુલમેન, રોસેટ હોટેલ, જેડબ્લ્યુ મેરિયટ હોટેલ, ઇરોસ હોટેલ, રેડિસન બ્લુ પ્લાઝા મહિપાલપુર, ક્લેરિજ 30 જાન્યુઆરી માર્ગ, ધ લીલા એમ્બિયન્સ ગુરુગ્રામ, ટ્રાઇડેન્ટ ગુરુગ્રામ, ધ ઓબેરોય ગુરુગ્રામ, તાજ સિટી સેન્ટર ગુરુગ્રામ, હયાત રિજન્સી ગુરુગ્રામ , ITC ગ્રાન્ડ ભારત ગુરુગ્રામ, વેસ્ટિન ગુરુગ્રામ, ધ લીલા એમ્બિયન્સ કન્વેન્શન શાહદરા, વિવંતા સૂરજકુંડ અને ક્રાઉન પ્લાઝા ગ્રેટર નોઈડાનો સમાવેશ થાય છે.
