OMG / વિશ્વના સૌથી ગંદા માણસનું મોત, 67 વર્ષથી નહાયો નહોતો આજે આવું કર્યું તો થયું મોત

• દુનિયાના સૌથી ગંદા માણસનું મોત
• ઈરાનના 94 વર્ષીય અમો હાજી નામના શખ્સનું મોત
• છેલ્લા 67 વર્ષથી નથી નહાયો
• બીમારના ડરથી જિંદગીભર નાહવાનું ટાળ્યું 

દાયકાઓથી ન નાહનાર વિશ્વના સૌથી ગંદા માણસના નામથી જાણીતા એક ઇરાની વ્યક્તિનું 94 વર્ષની વયે અવસાન થયું છે, એમ સરકારી મીડિયાએ મંગળવારે અહેવાલ આપ્યો હતો. આઈઆરએનએ ન્યૂઝ એજન્સીએ અહેવાલ આપ્યો હતો કે, અમો હાજી નામનો વૃદ્ધ બીમારીના ડરને કારણે છેલ્લા 67 વર્ષથી નાહ્યો નહોતો અને તે એકલો જ રહેતો હતો તેનું રવિવારે દક્ષિણી પ્રાંત ફાર્સના દેજગાહ ગામમાં અવસાન થયું હતું.

67 વર્ષથી નાહ્યો નહોતો 
અમો હાજી છેલ્લા 67 વર્ષથી નાહ્યો નહોતો તેને બીક હતી કે જો તે નાહશે તો તે મરી જશે. પરંતુ થોડા મહિના પહેલા પ્રથમ વખત ગામલોકો તેને નહાવા માટે બાથરૂમમાં લઈ ગયા હતા. ઇરાની મીડિયા આઉટલેટ્સના જણાવ્યા અનુસાર, "ધ સ્ટ્રેન્જ લાઇફ ઓફ અમો હાજી" નામની એક ટૂંકી ડોક્યુમેન્ટરી ફિલ્મ 2013 માં તેમના જીવન વિશે બનાવવામાં આવી હતી.

'World's dirtiest man' Amou Haji dies shortly after taking first bath in decades

Read @ANI Story | https://t.co/DnQbICR1q7#WorldsDirtiestMan #AmouHaji #AmouHajiDies pic.twitter.com/bq1njL5RyQ

— ANI Digital (@ani_digital) October 25, 2022

નાહશે તો મરી જશે
અમો હાજીનું એવું માનવું હતું જો તે પાણીથી નાહશે તો તે મરી જશે આ માન્યતા તેના મનમાં ઘર કરી ગઈ હતી અને તેથી તેણે નાહવા-ધોવાનું બંધ કર્યું હતું ઈરાનના એક ગામની બહાર ઝૂંપડી વાળીને રહેતો હતો. ગામલોકો તેને ખાવાનું આપી જતા હતા તેથી તે જીવતો હતો પરંતુ આખરે તેને મોત આંબી ગયું.