તમારા કામનું / આ ટિપ્સ જીવન બચાવશે.! વરસાદમાં કાર ચલાવતી વખતે શું ધ્યાન રાખવું, અણધાર્યું બને એ પહેલા થઈ જાઓ સાવધાન

• વરસાદમાં વાહન ચલાવતી વખતે રાખો ખાસ કાળજી
• ભારે વરસાદમાં તમે તમારા વાહનની લાઈટ ઓન રાખો
• પાણી ભરાયેલા માર્ગથી દૂર રહેવું

ચોમાસું આવતા લોકોને ભીષણ ગરમીથી રાહત મળી છે. મુસાફરી કરવાની હોય અને એમાંય જો વરસાદનો મોકો મળી જાય તો તેનો લ્હાવો કોણ ન લે. પહાડી વિસ્તારોમાં લોકો આ મોસમમાં જવાનું વધારે પસંદ કરે છે. પરંતુ આવા સમય પહાડી વિસ્તારોમાં વરસાદ કારણે ગાડી સ્લીપ થવાના અને ફસાઈ જવાના પણ ચાન્સ વધુ હોય છે. જેને લઈ ડ્રાઈવ કરવું પણ મુશ્કલે હોય છે. સાથો સાથ વિજિબિલિટી પણ ઓછી થઈ જાય છે. જેને લઈ અકસ્માતની ઘટના પણ વધી જતી હોય છે. પરંતુ જેનાથી બચાવા માટે તમને અમે કેટલી ટ્રીપ્સ આપીએ  

દરવાજાના કાચ બંધ રાખો   
જો વરસાદ પડી રહ્યો હોય તો કારના દરવાજાના કાચ બંધ કરી દેવા જોઈએ. વરસાદમાં પાણીની સાથે વિન્ડસ્ક્રીન પર ધુમ્મસ થાય ત્યારે બહારનું સ્પષ્ટપણે દેખાતું નથી જેના માટે વાઈપરની સાથે ACને પણ ચાલુ કરી દેવી જોઈએ અને વિન્ડસ્ક્રીનને ક્યારેય અંદરથી સાફ ન કરવી જોઈએ.

લાઇટનો ઉપયોગ કરવો
ઘણીવાર ભારે વરસાદના કારણે દૂરની વસ્તુઓ જોઈ શકતા નથી ત્યારે અજવાળાની જરૂર હોય છે જેના કારણે લાઇટોને ચાલુ કરી દેવી જોઈએ. તેમજ લાઈટના કારણે તમારી કાર દૂરથી અન્ય લોકો જોઈ શકશે. જો કારમાં DRL (ડે ટાઈમ રનિંગ લાઈટ) હોય તો તમારે તેનો ઉપયોગ કરવો જોઈએ અને રાત્રે હાઈ બીમનો ઉપયોગ ભૂલથી પણ ન કરવો જોઈએ.

રોંગ સાઈડમાં વાહન ચલાવવા નહી
ભારે વરસાદના કારણે ઘણીવાર આપણે ઉતાવળમાં રોંગ સાઈડમાં વાહન ચલાવવાનું શરૂ કરી દઈએ છીએ જેના કારણે સામેથી આવતા વાહનો દેખાતા નથી અને અકસ્માતનો સર્જાય છે. જેથી પોતાની સાઈડમાં વાહન ચલાવવું જોઈએ

સ્પીડનું ધ્યાન રહે તે રીત ડ્રાઈવ કરવું 
ભારે વરસાદ શરૂ થવાના ડરમાં આપણે ઘણીવાર વધુ ઝડપે વાહન ચલાવવાનું શરૂ કરી દઈએ છીએ, જેના કારણે વાહન સ્લીપ થવાની તેમજ અકસ્માત થવાની શક્યતાઓ વધી જાય છે માટે શાંતિથી સ્પીડનું ધ્યાન રહે તે રીત ડ્રાઈવ કરવું 

પાણીથી ભરેલા રસ્તાથી દૂર રહવું
વાહન ચલાવતી વખતે હંમેશા ધ્યાનમાં રાખવો કે પાણી ભરાયેલા માર્ગથી દૂર રહેવું. કારણ કે ઘણીવાર આપણે રસ્તા પર ભરાયેલા પાણીનો અંદાજો લગાવી શકતા નથી અને અકસ્માતનો ભોગ બનીએ છીએ.