જાણવું જરૂરી / ITR ફાઇલ કર્યા પહેલા ફોર્મ-16 વિશે જાણી લો આ ખાસ વાતો, આંખ આડા કાન કરશો તો મુકાશો મુશ્કેલીમાં

• ITR ફાઇલ કરવાની છેલ્લી તારીખ 31 જુલાઇ
• રિટર્ન ભરતી વખતે આ બાબતોનું રાખો ધ્યાન
• ફોર્મ-16માં હોય છે આ અગત્યની માહિતી 

આવકવેરો ભરવાની પ્રક્રિયા શરૂ થઈ ગઈ છે. વ્યક્તિઓએ 31 જુલાઈ 2022 સુધીમાં વર્ષ 2021-22 માટે ITR ફાઈલ કરવાની રહેશે. બીજી બાજુ, જો તમે આ તારીખ પછી ITR ફાઇલ કરો છો, તો દંડ પણ ભરવો પડી શકે છે.  આવકવેરા રિટર્ન ફાઇલ કરતી વખતે ફોર્મ 16 એ ખૂબ જ મહત્વપૂર્ણ દસ્તાવેજ છે. જોકે લોકો તેના ફીચર્સ વિશે બહુ ઓછા જાણે છે.

આ દસ્તાવેજ જરૂરી છે

આવકવેરો ફાઇલ કરતી વખતે ફોર્મ 16 ખૂબ જ મહત્વપૂર્ણ દસ્તાવેજ છે. ફોર્મ 16 તમારી કંપની વતી જારી કરવામાં આવે છે. આ ફોર્મ 16 માં, લેવામાં આવેલ પગાર, કપાત, કર કપાત, ભથ્થા સિવાય, ઘણી માહિતી હોય છે જે  જે તમે આવકવેરા રિટર્ન ફાઇલ કરો છો ત્યારે કામમાં આવે છે.

ફોર્મ-16ના બે પાર્ટ હોય છે 

આ ફોર્મની મદદથી તમે તમારા આવકવેરા સંબંધિત ડેટાનું સમાધાન કરી શકો છો. તેવામાં ITR ફાઇલ કરવામાં કોઈ ભૂલ થશે નહીં. જો કે, જો ફોર્મ 16ના આંકડા અને ઈન્કમ ટેક્સ રિટર્નમાં ભરવાનો ડેટા અલગ-અલગ હોય અને તેનું ધ્યાન રાખવામાં ન આવે તો ભવિષ્યમાં ઘણી મુશ્કેલી થઈ શકે છે. જ્યારે ફોર્મ 16માં બે ભાગ છે. એક 'ભાગ A' અને બીજો 'ભાગ B'.

ભાગ A માં આ માહિતીનો સમાવેશ

- કર્મચારીનું નામ અને સરનામું
- એમ્પ્લોયરનું નામ અને સરનામું
એમ્પ્લોયરનો PAN નંબર અને TAN નંબર
- કર્મચારીની PAN વિગતો
- મૂલ્યાંકન વર્ષ
- TDS કપાતનો સારાંશ
- નોકરીના સમયગાળાની વિગતો

ભાગ B માં આ માહિતીનો સમાવેશ 

- પગાર પર ચાર્જેબલ આવક
- કુલ આવક (પગાર) + અન્ય આવક
- કલમ 80C/80CCC/80CCD હેઠળ કપાત (રૂ. 1.5 લાખની મહત્તમ મર્યાદા)
- અન્ય વિભાગો જેમ કે 80D (આરોગ્ય વીમા પ્રીમિયમ), 80E (શિક્ષણ લોન પરનું વ્યાજ), 80G (દાન) અને અન્ય હેઠળ કપાત