ટેક્નો / ફોનને રિસ્ટાર્ટ અને સ્વિચ ઓફ કરવામાં શું છે અંતર ? આ ટ્રિક અપનાવાથી નહીં બગડે ફોન

મોબાઈલ ફોન હવે આપણી જીંદગીનો ભોગ બની ગયો છે. દરેક વર્ગ અને ઉમંરના લોકો સ્માર્ટફોનનો ઉપયોગ કરવા લાગ્યા છે. પરંતુ અનેક લોકો એવા છે જેમને મોબાઈલના ફીચર્સ વિશે પુરતી માહિતી નથી હોતી. જેથી તેઓ તે ફીચરનો ઉપયોગ કરતા સંકોચાતા પણ હોય છે. આ ફીચર કેવી રીતે કામ કરે છે તેની પણ અનેક યુઝર્સને જાણ નથી હોતી. જેમાં રિસ્ટાર્ટ અને સ્વિચ ઓફ નામના ફીચર્સ સામેલ છે. કેટલીકવાર ફોનમાં પ્રોબ્લેમ આવવાથી ફોન હેંગ થવા લાગે છે. જેથી લોકોને ફોનને સ્વિચ ઓફ કે રિસ્ટાર્ટ કરવાની સલાહ આપવામાં આવે છે. જો આપણે પાવર ઓફ કરીએ તો ફોન એકદમ બંધ થઈ જાય છે, જેને આપણે ઓન કરવો પડે છે. જો તમે ફોનને રિસ્ટાર્ટ કરો છો તો ફોન ઓટોમેટિક બંધ થઈને ઓન થઈ જાય છે.

ફોન વાપરતા લોકોને આ બન્ને વચ્ચેના અંતરને જાણવુ જોઈએ. દર અઠવાડિયે ફોન રિસ્ટાર્ટ કરવાથી મેમરી લીક થતા રોકી શકાય છે. એક રિપોર્ટ અનુસાર જ્યારે કોઈ એપને વર્ક કરવા માટે વધારે મેમરીની જરુર પડે છે ત્યારે મેમરી લીક થાય છે. 

કનેક્ટિવિટી પ્રોબ્લેમ
ફોનને રિસ્ટાર્ટ કરવાથી કનેક્ટિવિટીને સંબંધિત પ્રોબ્લેમ દૂર થઈ શકે છે. જૂના ફોનોમાં મોબાઈલ ડેટા અને wifi કનેક્શનનો પ્રોબ્લેમ આવતો હોય છે જો તમે ફોન રિસ્ટાર્ટ કરો છો તો ફોન ફરીથી ડેટાથી કનેક્ટ થઈ જાય છે. જો તમે ફોનને પાવર ઓફ કરો છો તો ફોનની Cache ડેટાને સાફ કરવામાં મદદ મળે છે. જેથી તમારો ફોન સારી રીતે વર્ક પણ કરી શકે છે.

વાંચવા જેવું:  ફોનની ગંદી સ્ક્રીનને કઈ રીતે ચકાચક કરવી? આ ટિપ્સ અપનાવો, ફોન નવા જેવો લાગશે

બેટરી હેલ્થ પર અસર
ફોન જ્યારે હેંગ થવા લાગે છે ત્યારે લોકો આ બંન્ને ફીચરનો ઉપયોગ કરતા હોય છે. જ્યારે Apps કે સોફ્ટવેર પ્રોપર કામ ન કરે ત્યારે આ ફીચર્સનો ઉપયોગ જરુરથી કરવો જોઈએ. જેનાથી તમારો ફોન પહેલા કરતા સારી રીતે કામ કરવા લાગશે. ફોનને સારી રીતે કામ કરે તે માટે રિસ્ટાર્ટ અને પાવરઓફ સિવાય બેકગ્રાઉન્ડમાં ચાલતી એપ્સને ક્લિયર કરતા રહેવું જોઈએ. કેમ કે તેવુ ન કરવાથી બેટરી હેલ્થ પર અસર પડી શકે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો