રાજસ્થાનના સીએમ કોણ / વસુંધરા રાજેએ ઠોક્યો CM પદનો દાવો ! ભાજપ હાઈકમાન્ડને ફોન કર્યો, PM મોદી-શાહે અલગથી બેઠક કરી

• રાજસ્થાનના સીએમને લઈને દિલ્હીમાં બેઠકનો ધમધમાટ
• પીએમ મોદી અને અમિત શાહે અલગથી બેઠક કરી
• વસુંધરા રાજેએ આડકતરી રીતે ઠોક્યો સીએમ પદનો દાવો 

રાજસ્થાનના સીએમને લઈને દિલ્હીમાં બેઠકનો ધમધમાટ શરુ થયો છે. ભાજપ મુખ્યાલયમાં પાર્ટી અધ્યક્ષની બેઠક બાદ પીએમ મોદી અને અમિત શાહે અલગથી બેઠક કરીને સીએમના નામ પર મંથન કર્યું હતું. બેઠકોની વચ્ચે વસુંધરા રાજે આડકતરી રીતે સીએમ પદનો દાવો ઠોકી દીધો છે. વસુંધરા રાજેએ ભાજપ હાઈકમાન્ડને ફોન કરીને કહ્યું કે તેઓ પાર્ટીના શિસ્તબદ્ધ કાર્યકર છે અને ક્યારેક પણ પાર્ટી લાઈનથી બહાર નહીં જાય. 

Who will be next CM of Rajasthan…?? #RajasthanCM #RajasthanElection2023

1. Baba Balak Nath 2. Vasundhara Raje pic.twitter.com/fbyV1lcMit

— Ruchi Tiwari (@Ruchi0495) December 6, 2023

રાજે 20થી વધુ ધારાસભ્યો સાથે બેઠક કરી ચૂક્યા છે
વસુંધરા રાજેએ મુખ્યમંત્રી બનવા માટે ભાજપ પર દબાણ શરુ કર્યું છે. તેમણે 20થી વધુ ધારાસભ્યો સાથે ડિનર મીટિંગ કરી હતી. આ પછી વસુંધરા છાવણીએ દાવો કર્યો હતો કે તેમની પાસે 68 ધારાસભ્યોનું સમર્થન છે. આ ઉપરાંત કેટલાક અપક્ષો પણ તેમની સાથે હોવાનો દાવો કરાયો હતો.

રાજસ્થાનમાં સીએમની રેસમાં કોણ?
રાજ્યમાં સીએમ પદની રેસમાં ભાજપ તરફથી ઘણા ચહેરા છે. વસુંધરા રાજે સિવાય પહેલું નામ બાલકનાથ છે. તેઓ તિજારાથી વિધાનસભા પહોંચ્યા છે. આ યાદીમાં બીજું નામ જયપુર રાજવી પરિવારની રાજકુમારી દીયા કુમારીનું છે. તે બંને લોકસભાના સભ્યો છે, પરંતુ પાર્ટીએ તેમને વિધાનસભાની ચૂંટણી લડાવી હતી. 

यहां कितने भाजपा समर्थक हैं, जो यह चाहते हैं कि वसुंधरा राजे राजस्थान की मुख्यमंत्री बनें ?#RajasthanCM #VasundharaRaje pic.twitter.com/ayPew2In8e

— रीतेश मिश्रा (@Ritesh_Mishraaa) December 6, 2023

ત્રણ રાજ્યોના મુખ્યમંત્રી કોણ છે? ભાજપમાં મંથન તેજ
પાંચ રાજ્યોમાં યોજાયેલી વિધાનસભા ચૂંટણીમાં ભાજપે ત્રણ રાજ્યોમાં જીત મેળવી છે. જેમાં રાજસ્થાન, મધ્યપ્રદેશ અને છત્તીસગઢનો સમાવેશ થાય છે. આ પાંચેય રાજ્યોમાં પાર્ટી સીએમ ચહેરા વગર જ ઉતરી હતી. આવી સ્થિતિમાં મુખ્યમંત્રી કોણ બનશે તે મંથન ચાલી રહ્યું છે. 

પીએમ આવાસ પર ચાર કલાક બેઠક, મોદી-શાહ અલગથી મળ્યાં 
બુધવારે પીએમ આવાસ પર લગભગ ચાર કલાક સુધી બેઠક ચાલી હતી. ગૃહમંત્રી અમિત શાહ ગુરૂવારે પીએમ આવાસ પર પહોંચી ગયા છે. આ બેઠકનો બીજો રાઉન્ડ છે. આ બેઠકમાં ત્રણ રાજ્યોના સીએમ ઉમેદવારોના નામની ચર્ચા કરાઈ હતી. 

રાજસ્થાનમાં સરકાર બદલવાનો રિવાજ જળવાઈ રહ્યો 
રાજસ્થાનમાં એક રિવાજ છે કે દર પાંચ વર્ષે ત્યાં સરકાર બદલાઈ જાય છે આ વખતની ચૂંટણીમાં પણ રિવાજ બદલાયો હતો. રાજસ્થાન વિધાનસભા ચૂંટણીમાં કોંગ્રેસને કારમી હારનો સામનો કરવો પડ્યો હતો. 199 સભ્યોની વિધાનસભામાં ભાજપને 115 સીટો પર જીત મળી હતી. આ સાથે જ કોંગ્રેસને માત્ર 69 બેઠકોથી સંતોષ માનવો પડ્યો હતો. રાજસ્થાનમાં આઠ અપક્ષ નેતાઓ પણ ચૂંટણી જીત્યા હતા.