મેટ્રોની ભેટ / વડોદરામાં રૂ. 5608 કરોડના ખર્ચે દોડાવાશે મેટ્રો ટ્રેન, 43.2 કિલોમીટરમાં ઊભું કરાશે આખુંય રેલવે નેટવર્ક

• વડોદરામાં રૂપિયા 5,608 કરોડના ખર્ચે મેટ્રો ટ્રેન દોડાવાશે 
• લાઈટ અર્બન રેલ ટ્રાન્સિટ સિસ્ટમની ભેટ 
• 43.2 કિલોમીટરમાં મેટ્રો ટ્રેનનું નેટવર્ક પથરાશે 
• ટ્રાફિક સરવે અને વસ્તી ગણતરીની કામગીરી પૂર્ણ 

Vadodara Metro News : ગુજરાતમાં અમદાવાદ અને સુરત બાદ હવે વડોદરાવાસીઓને પણ મેટ્રોની સુવિધા મળશે. વાત જાણે એમ છે કે, વડોદરામાં રૂપિયા 5,608 કરોડના ખર્ચે મેટ્રો ટ્રેન દોડાવાશે. લાઈટ અર્બન રેલ ટ્રાન્સિટ સિસ્ટમની વડોદરાવાસીઓને ભેટ મળશે. જેને લઈ કેન્દ્ર અને રાજ્ય સરકાર સાથે મ્યુનિસિપલ કમિશનર અને સ્ટેન્ડિંગ ચેરમેને ચર્ચા કરી છે. 

વડોદરાવાસીઓને મેટ્રોની ભેટ 
વિગતો મુજબ વડોદરામાં 43.2 કિલોમીટરમાં મેટ્રો ટ્રેનનું નેટવર્ક પથરાશે. વડોદરા મ્યુનિશિપલ કોર્પોરેશન દ્વારા ટ્રાફિક સરવે અને વસ્તી ગણતરીની કામગીરી પૂર્ણ થઈ ચૂકી છે. જેથી હવે મેટ્રો ટ્રેન અને મલ્ટી મોડેલ ઈન્ટીગ્રેશન નેટવર્ક ઉભું કરાશે. માહિતી મુજબ નોર્થ કોરિડોર GSFCથી સુશેન સર્કલ સુધી મેટ્રો દોડશે. સાઉથ કોરિડોર કાલાઘોડાથી સુશેનથી મકરપુરા નેશનલ હાઇવે સુધી, વેસ્ટ કોરિડોર સેવાસી ગોત્રી કેનાલ રોડથી કાલાઘોડા સર્કલ સુધી અને ઈસ્ટ કોરિડોર કાલાઘોડાથી વાયા માંડવી ગેટ થઈને વાઘોડિયા ચોકડી સુધી રહેશે.