- આ વખતે અમેરિકા ISIS-K પર વાર કરશે
- ISIS-Kની વિરુદ્ધ અમેરિકાની મદદ તાલિબાન કરી શકે
- આતંકવાદ વિરોધી હુમલા માટે અમેરિકાને તાલિબાનની સાથે સમન્વય કરવુ પડશે-માર્ક મિલી
આ વખતે અમેરિકા ISIS-K પર વાર કરશે
અફઘાનિસ્તાનમાં તાલિબાન રાજ આવ્યા બાદ ISIS-K વિચારી રહ્યું છે કે તેના સારા દિવસો આવ્યા છે. તો આ તેની સૌથી મોટી ભૂલ છે. અમેરિકાએ ભલે અફઘાનિસ્તાન છોડ્યું હોય. પણ તે આતંકીઓની વિરુદ્ધ અભિયાન ચાલુ રાખશે. આ વખતે અમેરિકા ISIS-K પર વાર કરશે. તેમા તેની મદદ તાલિબાન કરી શકે છે. પેંટાગન ટોપ અધિકારીઓનું માનવું છે કે અમેરિકા અફઘાનિસ્તાનમાં ઈસ્લામિક સ્ટેટ ખુરાસાન પ્રાંત એટલે કે ISIS-K સામે લડવા માટે તાલિબાનના સહયોગ પર વિચાર કરી રહ્યું છે.
ISIS-Kની વિરુદ્ધ અમેરિકાની મદદ તાલિબાન કરી શકે
યુએસ ન્યૂઝ મુજબ પેંટાગનના ટોપના અધિકારીઓએ બુધવારે કહ્યું કે અમેરિકન સેના અફઘાનિસ્તાનમાં આતંકી સંગઠન ઈસ્લામિક સ્ટેટ ખુરાસાનને હરાવવા માટે તાલિબાનની સાથે સમન્વય કરવા પર વિચાર કરી રહી છે. જ્યારે બુધવારે સંવાદદાતા સમ્મેલન દરમિયાન જોઈન્ટ ચીફ ઓફ સ્ટાફના અધ્યક્ષ સેનાના જનરલ માર્ક મિલીથી આતંકવાદી વિરોધી પ્રયાસ માટે તાલિબાનની સાથે સેનાએ હાથ મિલાવીને પુછ્યવામાં આવ્યું તો તેમને જવાબ હતો શક્ય છે.
આતંકવાદ વિરોધી હુમલા માટે અમેરિકાને તાલિબાનની સાથે સમન્વય કરવુ પડશે-માર્ક મિલી
જોઈન્ટ ચીફ ઓફ સ્ટાફના અધ્યક્ષ આર્મી જનરલ માર્ક મિલીએ કહ્યું કે આ શક્ય છે કે ઈસ્લામિક સ્ટેટના આતંકવાદિઓ અથવા અન્યની વિરુદ્ધ અફઘાનિસ્તાનમાં ભવિષ્યમાં કોઈ પણ આતંકવાદ વિરોધી હુમલા માટે અમેરિકાને તાલિબાનની સાથે સમન્વય કરવો પડશે. જો કે તેમણે કહ્યું કે તાલિબાન એક ક્રુર સંગઠન છે અને તે બદલાય છે કે કેમ તે જોવાનું બાકી છે. તેમણે આગળ કહ્યુ કે યુદ્ધમાં તમને એ કરો છો જે તમને મિશન અને ફોર્સના જોખમને ઓછુ કરવા માટે કરવા જોઈએ.
તાલિબાનના ભવિષ્યની ભવિષ્યવાણી કરવાનું મુશ્કિલ
રક્ષા સચિવ લોયડ ઓસ્ટને પેન્ટાગનના સંવાદદાતાઓને કહ્યું કે હાલમાં અફઘાનિસ્તાનમાં તાલિબાનના ભવિષ્યની ભવિષ્યવાણી કરવાનું મુશ્કિલ છે. જણાવી દઈએ કે અમેરિકન અધિકારીઓનું આકલન તાલિબાન અને ISIS-K ઓછામાં ઓછા અફઘાનિસ્તાનમાં એક બીજાના દુશ્મન નહીં તો પ્રતિદ્વંદ્વી જરુર છે. તેવામાં તાલિબાનનો ઉપયોગ અમેરિકા ISIS-Kની વિરુદ્ધ કરી શકે છે.
તાલિબાનને એરપોર્ટને સુરક્ષિત કરવામાં અમેરિકાની મદદ કરી
અમેરિકા પોતાના દુશ્મનને ખતમ કરવા માટે તાલિબાન સાથે હાથ મેળવી શકે છે. આની પ્રબળ શક્યતા એટલા માટે પણ છે કેમ કે ગત દિવસોમાં યૂએસ સેન્ટ્રલ કમાન્ડના પ્રમુખ મરીન જનરલ મૈંકેંજીએ અફઘાનિસ્તાનની વાપસી પ્રક્રિયા દરમિયાન તાલિબાનની સાથે અમેરિકાના સંબંધોને બહું વ્યાવહારિક અને બહું વ્યાવસાયિક ગણાવ્યા હતા. તેમણે કહ્યું કે તાલિબાનને એરપોર્ટને સુરક્ષિત કરવામાં અમેરિકાની મદદ કરી હતી. ઉલ્લેખનીય છે કે અમેરિકન વાપસી સમયે ISIS-Kએ કાબુલ એરપોર્ટ પાસે આતંકી હુમલો કર્યો હતો જેમાં અમેરિકાના 13 જવાન માર્યા ગયા હતા. જોકે અમેરિકાએ 48 કલાકમાં એરસ્ટ્રાઈક કરી હુમલાના ષડયંત્રકારોને ઠાર કર્યા હતા.
