હેલ્થ / શરીરને ફિટ રાખવા ભૂલથી પણ રાત્રિ ભોજન બંધ ન કરતા, નહીંતર સર્જાશે અનેક સમસ્યાઓ, જાણો કારણ

Health Tips : આજના સમયમાં મેદસ્વીતા સૌથી મોટી અને ગંભીર સમસ્યા બની ગઈ છે. લગભગ દર બીજી વ્યક્તિ વધતા વજનને કારણે પરેશાન છે. ઘણી વાર જીમ જોઈન કરવા અને અઢળક કસરત કરવા છતાં પણ વજન ઓછું થતું નથી. વજન ઓછું કરવા માટે લોકો યોગ, ડાયટ પણ કરે છે. તાજેતરમાં લોકોમાં Intermittent Fasting નો ક્રેઝ જોવા મળી રહ્યો છે. આ દિવસોમાં લોકો પોતાને ફિટ અને હેલ્ધી રાખવા માટે ડિનરને છોડી દે છે. ચાલો ડોક્ટર્સ પાસેથી જાણીએ કે રાત્રે ડિનર છોડવું સ્વાસ્થ્ય માટે ફાયદાકારક છે કે નુકસાનકારક?

ડોક્ટર્સનાં કહેવા અનુસાર જો તમે વજન ઘટાડવા અથવા પોતાને ફીટ રાખવા માટે સ્ટ્રીક્ટ ડાયટનું પાલન કરો છો તો પણ તમારે એક પણ ભોજન ન છોડવું જોઈએ. રાત્રે સુતી વખતે તો ઓછામાં ઓછું હળવું ભોજન લેવું જ જોઈએ. જો તમે આંતરિક રીતે સ્વસ્થ છો અને રાત્રિભોજનને છોડો છો તો તમારા સ્વાસ્થ્ય પર કોઈ ખરાબ અસર નથી પડતી. પરંતુ જો તમને કબજિયાત, એસિડિટી અથવા પેટનું ફૂલવું વગેરે જેવી સમસ્યા છે તો તે સમસ્યા બની શકે છે.

વધુ વાંચો: મજબૂરી અને સમયની તંગી વચ્ચે ટ્રાફિક જામમાં UPSCની તૈયારી કરતો ડિલીવરી બૉય નજરે પડ્યો, જુઓ Video

રાત્રિભોજન ન લેવાથી થઇ શકે છે આ સમસ્યા

• ઇન્સ્યુલિનનું લેવલમાં વધઘટ થઇ શકે : ડોક્ટર્સનું કહેવું છે કે જ્યારે તમે રાત્રિભોજન નથી કરતા ત્યારે તમારું ઇન્સ્યુલિન લેવલ ડિસ્ટર્બ થાય છે. તમારા ઇન્સ્યુલિનના લેવલને નિયંત્રિત રાખવા માટે, જરૂરી છે કે રાત્રિભોજન છોડવાને બદલે હળવું અથવા ઓછી કેલરીવાળું ખોરાક લેવું જોઈએ.
• ગેસની સમસ્યા : જો તમને ગેસની સમસ્યા હોય કે પેટનું ફૂલવું હોય તો તમારે તમારો નાસ્તો, લંચ અને ડિનર ક્યારેય ન છોડવું ખાસ કરીને રાત્રે હળવો ખોરાક લેવો જોઈએ. જો તમે રાત્રિભોજન છોડો છો, તો તે ખાટા ઓડકાર અને હાર્ટબર્નનું કારણ બને છે.
• ઊંઘમાં ખલેલ : રાત્રે ન ખાવાથી ગેસની સમસ્યા થઈ શકે છે. વાસ્તવમાં ખાલી પેટને કારણે પેટમાં ગેસ બને છે. જેના કારણે ઊંઘમાં ખલેલ પડે છે.
• વારંવાર ભૂખ લાગવી: ઘણી વખત લોકો રાત્રિભોજનને છોડી દે છે, જેના કારણે અડધી રાત્રે ભૂખ લાગે છે. આવામાં, લોકો ઘણીવાર ચિપ્સ, ચોકલેટ જેવી બિનઆરોગ્યપ્રદ વસ્તુઓ વધારે ખાય છે, જે સ્વાસ્થ્યને વધુ નુકસાન પહોંચાડે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો