ચૂંટણી 2024 / સુરતમાં મેગા ડ્રામા, કુંભાણીના ખાસ મનાતા ટેકેદાર વાસ્તવમાં છે ક્યાં? રાજરમત સમજો

લોકસભા ચૂંટણીને લઈ રાજકારણમાં ભારે ગરમાવો જોવા મળી રહ્યો છે. સુરત લોકસભા બેઠક ભારે ચર્ચામાં આવી છે કારણ કે, જ્યાં કોંગ્રેસના ઉમેદવાર નિલેશ કુંભાણીનો ઉમેદવાર પત્ર રદ્દ થાય તેવી ચર્ચાઓ જોર પકડ્યું છે. કોંગ્રસી ઉમેદવારના ટેકેદાર રમેશ પોલરા, જગદિશ સાવલિયા અને ધ્રુવિન ધામેલિયામાંથી બે જણા સંપર્ક વિહોણા થયા છે. સાથો સાથ તેમણે કલેક્ટર સમક્ષ દાવો કર્યો છે તેમની સહી ખોટી કરાઈ છે. નિલેશ કુંભાણીના તેના ટેકેદારોનો સંપર્ક કરી શક્યા નથી. 

પોલીસ સ્ટેશનમાં રજૂઆત કરાઈ
આ મુદ્દે સુરત કોંગ્રેસના ઉમેદવાર પોલીસ સ્ટેશનમાં રજૂઆત કરવા પહોંચ્યા હતાં. જ્યાં ગુમ થયેલા ટેકેદારો અંગે ઉમરા પોલીસ સ્ટેશનમાં રજૂઆત કરી છે. ટેકેદારો અંગે ફરિયાદ નોંધાવવાની વાત કરી છે. આ તમામ પોલિક્ટિસ ડ્રામા વચ્ચે એક મહત્વની વાત પણ છે કે, આ તમામ ટેકેદારો ઉમેદવારના ખાસ માણસો હતા. 

ત્રણેય ઉમેદવારના ખાસ હતા
આ ત્રણેય ટેકેદાર નિલેશ કુંભાણીના ખાસ હતા. જેમાં ધ્રુવિન ધામેલિયા નિલેશ કુંભાણીના મિત્ર છે તો રમેશ પોલારા નિલેશ કુંભાણીના ભાગીદાર છે. વાત જગદીશ સાવલિયા કરવામાં આવે તો તેઓ કુંભાણીના બનેવી છે

વાંચવા જેવું: 'બનાસકાંઠાના મતદારો પર ભરોસો નથી' ઉમેદવારી ફોર્મમાં વાંધા રજૂ કરવા બાબતે ગેનીબેનના ભાજપ પર પ્રહાર

આ સમજવું અઘરૂ છે!
આ મુદ્દે અનેક તર્ક વિતર્કના સવાલો ઉભા થાય છે. જેમ કે, કુંભાણીના ટેકેદારો કલેક્ટર સામે હાજર થયા પછી ક્યાં ગયા? તેમજ કુંભાણી કહે છે કે મારા સંપર્કમાં નથી તો બીજી તરફ કલેક્ટર કહે છે કે 1 વાગે અમારી સમક્ષ હાજર થયા છે. સાથો સાથ કલેક્ટરનો લેટર કહે છે કે કુંભાણીના ટેકેદારોએ એફિડેવિટ આપ્યું છે. શું કુંભાણી જ સુરતમાં ભાજપને વોકઓવર આપી રહ્યાં છે? સામાન્ય નાગરિકને સમજવામાં આ વિચિત્ર વાત નથી? ટેકેદારો કલેક્ટરને એફિડેવિટ આપી ગ્યા પણ કુંભાણીને જાણ ન કરી? નિલેશ કુંભાણીના ટેકેદારો એમના જ કીધામાં નથી? કે પછી નિલેશ કુંભાણીએ વાસ્તવમાં જાતે જ સહી કરી? કુંભાણીની લીગલ ટીમે જાતે ટેકેદારોનું ફોર્મ ભર્યું? સુરતના મેગા ડ્રામાં વિલન કોણ છે તે સૌથી મોટો સવાલ છે

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો