રાજનીતિ / NCPનો રાષ્ટ્રીય દરજ્જો ખતમ થયાના બીજા દિવસે દેખાઈ અસર, અદાણી મામલે પવારે મારી પલટી, હવે આવું બોલ્યાં

• પોતાના જ નિવેદનથી પલટી ગયાં પવાર
• JPC ગઠન લઈને વિપક્ષનો સાથ આપવા થયાં તૈયાર
• કહ્યું એકતા જાળવવા સાથ આપીશ

અદાણી મામલા પર જેપીસી ગઠિત કરવાની વિપક્ષની માંગને ખોટું જણાવનારાં NCPનાં મુખ્યાં શરદ પવાર હવે પોતાના જ નિવેદનથી ફરી ગયાં છે. તેમણે મંગલવારે કહ્યું કે વિપક્ષની એકતા માટે જો આ જરૂરી છે તો હું જેપીસીનાં ગઠનનો વિરોધ નહીં કરું. શોર્ટ સેલિંગ ફર્મ હિંડનબર્દની અદાણી પર રિપોર્ટ બાદથી જ ગ્રુપની કંપનીઓમાં ઉતાર-ચઢાવ જોવા મળી રહ્યો છે. આ રિપોર્ટમાં કેટલાક પ્રશ્નો કરવામાં આવ્યાં હતાં જેને લઈને વિપક્ષનું કહેવું છે કે તપાસ માટે જેપીસીનું ગઠન થવું જોઈએ.

#Breaking :—

Sharad Pawar has said that he has no objection with opposition’s demand of JPC in Adani scam case.

So he has changed his earlier opinion and agreed with Congress stand. pic.twitter.com/HhKNbr6yLL

— Shantanu (@shaandelhite) April 11, 2023

શરદ પવારે મીડિયા સાથેની વાતચીત દરમિયાન કહ્યું કે 'વિપક્ષી દળોમાં મારા મિત્રો જો જેપીસીની તપાસ કરવા ઈચ્છે છે તો એકતા માટે હું તેનો વિરોધ નહીં કરું. હું તેમના વિચારથી સહમત નથી પરંતુ આ નક્કી કરવા માટે વિપક્ષમાં અમે એક જ છીએ, હું તેમનો સાથ આપીશ. પણ અમે જેપીસીની તપાસ માટે જીદ નહીં કરીએ.' 

શુક્રવારે જેપીસીનાં ગઠનનું સમર્થન નહોતું કર્યું
શુક્રવારે શરદ પવારનાં એક નિવેદનને લીધે વિપક્ષમાં અનેક વિવાદ શરૂ થઈ ગયાં હતાં. પવારે કહ્યું હતું કે જેપીસીનાં ગઠનનો કોઈ અર્થ નથી કારણકે સમિતિમાં ભાજપ જ બહુમતમાં હશે અને વિપક્ષી દળ અલ્પમતમાં રહેશે.

એકતા જાળવવા સાથ આપીશ- પવાર
પવારે કહ્યું કે જેપીસીનું ગઠન સંસદમાં રાજનૈતિક દળોની સદસ્ય સંખ્યાનાં આધાર પર થાય છે. ભાજપનાં 200 થી વધારે સાંસદ છે અને 21 સદસ્યો વાળી જેપીસીમાં તેમના વધારે સદસ્ય રહેશે. વિપક્ષનાં 5 થી 6 સાંસદ જ તેમાં રહેશે, તેવામાં આટલી ઓછી સંખ્યા હોવા પર વિપક્ષી સાંસદ કઈ રીતે પ્રભાવશાળી ભૂમિકા બજાવશે. છતાં પણ વિપક્ષનાં લોકો જો જેપીસીની માંગ પર અડગ છે તો એકતા જાળવી રાખવા માટે હું તેમનો સાથ આપીશ.