રાજનીતિ / શંકરસિંહ વાઘેલાની કોંગ્રેસમાં ઘરવાપસી અંગે VTVની ખબર પર મહોર, બાપુએ ખુદ વીડિયો જાહેર કર્યો

• શંકરસિંહ વાઘેલાના કોંગ્રેસમાં જોડાવાની અટકળોનો મામલો
• ભાજપને હરાવવા કોંગ્રેસમાં જવુ પડશે તો જઈશ: શંકરસિંહ
• હું કોંગ્રેસના આગેવાનોને મળ્યો હતો: શંકરસિંહ

સ્થાનિક સ્વરાજની ચૂંટણી પહેલા ગુજરાતની રાજનીતિના સૌથી મોટા સમાચાર સામે આવ્યાં છે. કોંગ્રેસમાં જોડાવા અંગે દિગ્ગજ નેતા શંકરસિંહ વાઘેલાએ મોટું નિવેદન આપ્યું છે. શંકરસિંહ વાઘેલાએ કહ્યું કે, કોંગ્રેસમાં જવાની જરુર પડશે તો કોંગ્રેસમાં જઇશ. ભાજપને હરાવવા કોંગ્રેસમાં જવું પડે તો જઇશ. હું કોંગ્રેસના આગેવાનને મળ્યો હતો. સામાજિક મુદ્દે કોંગ્રેસના આગેવાન સાથે ચર્ચા કરી. કોંગ્રેસમાં કોઇ પણ શરતે જવા તૈયાર છું.

મહત્વનું છે કે, આ અગાઉ શંકરસિંહ વાઘેલાએ કોંગ્રેસમાં આવવાની ઇચ્છા દર્શાવી હતી. શંકરસિંહે VTV NEWS સાથેની ખાસ વાતચીતમાં કહ્યું હતું કે, જરૂર પડશે તો કોંગ્રેસમાં જઈશ. ત્યારે કોંગ્રેસના દિગ્ગજ નેતા ભરતસિંહ સોલંકી શંકરસિંહ વાઘેલાને લાવવા મધ્યસ્થી કરી રહ્યાં છે. ત્યારે હવે શંકરસિંહ વાઘેલીની ઘરવાપસીને લઇને કોંગ્રેસ હાઇકમાન્ડ મહોર લગાવશે. રાજ્યસભાની ચૂંટણી સમયે બાપુના કહેવાથી કોંગ્રેસના 8 ધારાસભ્યોએ ક્રોસવોટિંગ કર્યું હતું.

શંકરસિંહની કોંગ્રેસમાંથી એક્ઝિટની કથા!

• 2017ની ચૂંટણી પહેલા શંકરસિંહ મુખ્યમંત્રીના ઉમેદવારની જીદ લઈને બેઠા હતા
• કોંગ્રેસ શંકરસિંહને મુખ્યમંત્રીપદના ઉમેદવાર જાહેર કરે તેવી જીદ હતી
• કોંગ્રેસે ચૂંટણી પછી મુખ્યમંત્રી નક્કી કરવાની વાતને પકડી રાખી હતી
• શંકરસિંહે નક્કી કરી લીધું કે હવે કોંગ્રેસ તેમને સીએમ પદના ઉમેદવાર નહી બનાવે
• એ સમયે જ રાજ્યમાં રાજ્યસભાની 4 બેઠકોની ચૂંટણી થવાની હતી
• બરાબર 2017 વિધાનસભાની ચૂંટણી પહેલા જ રાજ્યમાં રાજ્યસભાની ચૂંટણી થવાની હતી
• કોંગ્રેસને ભનક લાગી કે કોંગ્રેસના ધારાસભ્યોને તોડવાનો પ્રયત્ન થશે
• શંકરસિંહે પોતાના વેવાઈ બળવંતસિંહ રાજપૂતને પાંચમાં ઉમેદવાર તરીકે ઉભા રાખેલા
• પ્લોટ એવો હતો કે કેટલાક ધારાસભ્યો કોંગ્રેસમાંથી રાજીનામા આપે
• કેટલાક ધારાસભ્યો કોંગ્રેસમાં રહીને ક્રોસ વોટિંગ કરે અને બળવંતસિંહને જીતાવે
• કોંગ્રેસને શંકરસિંહની આખી ગેમની ગંધ આવી ચૂકી હતી
• કોંગ્રેસના 6 ધારાસભ્યોએ રાજીનામા આપ્યા અને 2 ક્રોસ વોટિંગ કરવાના હતા
• કોંગ્રેસ પોતાના ધારાસભ્યોને લઈને બેંગલુરુના રિસોર્ટમાં પહોંચી
• કોંગ્રેસ તરફી 2017માં છોટુુ વસાવાએ મતદાન કરેલું અને અહેમદ પટેલ સાંસદ બન્યા હતા
• બળવંતસિંહ જીતે તો અહેમદ પટેલની હાર થાય એમ હતી
• રાજ્યસભાની આ ચૂંટણી પછી શંકરસિંહ કોંગ્રેસને ન ગમતા નેતા બની ગયા હતા
• કોંગ્રેસેએ પણ આરોપ લગાવ્યો હતો કે તેમના પર કેસ થયા છે તેના બદલામાં ભાજપને મદદ કરે છે